آسف طولت عليك

آسف طولت عليك
محمد شاكر

يا سلام
كان لازم تعرف
انك لسه لوحدك
وتطّلع قلبك بره ضلوعك
شايف .................
إن الصوره بتبهت زي العاده
وانت بتركن فكرك كله جوه المكتب
لما يصالحك
فالح تقراء لكل الشُعرى وتعجب بيهم
شايف قلبك لّم تراب البنت ازاى
وانت بتعمل نفسك لسه
ومّا عجزت تلّم ضلوعك
إستسلمت بكل سهوله
وشم الحزن بيسرح فيك
بس هقول لك .............
إبدأ لون كل خيوط الضلمه ف عقلك
وافرد ملمح وشك تاني
ياااااااااااااه
صورتك رجعت وانت بترفض ترجع ليه
وانا بتمنى اسمعلك صوت

*********************

تعرف ان الضلمه سواعي بتسعد قلبي .................
أمي بترجع حاضنه اخواتي
والعسكري بيخش الجامع
كيلو اللحمه بيوصل سعره لـ5 جنيه

****************************

صوت من بره بيفرض رأيه
الكوابيس بتفارق عقلي
وبتتراجع عني شويه
ومابقدرشي افكر غير في الرسمه
آسف انا طوّلت عليك ودوشتك
وانت بدأت تبص ف ساعتك
بس تصدق ..................
كل ما برفض رسم صورتها
بلقي خيالي بيوصف صوتها
وانا والله ما كنتش قاصد
أفتح صدري
واوصف كل مشاعري قصادك
بس انا عارف انك طيب
وانا كالعاده ...........
واقف ............
وحدي

02/25/2008 - 02:38

محمد شاكر إبراهيم

القسم:

شعر

اقرأ أيضا للكاتب:

الصديق محمد شاكر
جميل أن تبحث عن ذات شعرية جديدة وجميل أيضا أن تظل وفيا مخلصا لاصدقائك الذين ينظرون في الساعة حتي يعودوا حيثما أتوا بعد غياب طويل
إلي الأمام دوما
دعواتي
صديقك / صبري

صبري رضوان

02/25/2008 - 03:04

شاعر قادم وبكل قوه باذن الله ولكن
اذا تخلص من تردده المستمر وحاول خلق عالمه الخاص بسنه وتجاربه الخاصه لا يستدعى تجارب الحياه وانما لابد ان يعيشها من هنا يمكن يكون الصوت هايبدأ ينطلق
محبتى

محمد حسنى

02/25/2008 - 06:33

تصدق أنك مع أن قصيدتك طويلة ( لم تطول علي). لأنك فعلا شاعر يملك قاموسه الخاص ولد صوته المتميزعلى عكس الكثير
شكرا لك

مجدى الحمزاوى

02/25/2008 - 09:11

انا اللى اسف انى مقرتش ليك

حاجة قبل كدا

انت شاعر محتاج فعلا قراءة نماذج كتير من اعمالى
امتعتنا بالعمل دا

لك منى كل التقدير

--------------------------

اعتقد ان العمل دا مكانة فى ركن الشعر العامي
وليس الفصحى

ميسرة صلاح الدين

02/25/2008 - 19:56