You are here
إيه يعني...
إيه يعني...
سيدة فاروق
إيه يعنى
هوه أنت مت ؟
صحيح ؟
ولا الواقع مات
أو يمكن نايم
أو حتى بتحلم بحاجات وعنيك مفتوحة
طب هوه أنت أنت بجد؟
طب ليه لما بصيت ف مرايه صرخت
مش عارفك --- طيب
وللا بتتفاجيء بيك على غفلة وبتحس انك واحد تانى غريب وعجوز
دور حبه ف قلب دماغك عن غنوه قديمة
يمكن تعرف اوتتذكر
اعصر ف دماغك عن ذكرى
فاكر لما رقصت معايا على غنيوة انت الحب؟ مش فاكر ؟
لما ف أول مره سمعت لما اتقالك كلمة حب بجد
كان الشاي ف أديك انكب
ضحكت
فاكر لمااتهزيت مع أول صوت من غارة وقالو الأرض بتترج وبيقضو ع الأخضر واليابس
دمعت
وجريت لولاد أخواتك وتفهم فيهم
–الأرض زى العرض تمام ياولاد-
ولا فاهمين
ولا انت بتسكت
-اوعو تبيعو ف يوم الأرض-
انتم اللي هتشيلو الحمل بدالنا
يضحكو
تبكى انت زيادة
فاكر طيب ساعة ما عنيك بتفيض لما بتسمع غنوة حب حزينة ف تبكى مع انك يومها ما كنتش حابب حد
إيه يعنى كام شعرايه بياض ف دماغك إيه يعنى
إيه يعنى لما صحابك غالبيتهم ماتو أو سافرو وحتى الموجود مهواش موجود
إيه يعنى
ماعدتش تهتم بعدد الأيام أو المواعيد
أو حتى الألوان والصوت
إيه يعنى
لما نبات الصبار اللي رويته كتير اوحتى لما نسيته زمان برضه ماماتش إيه يعنى لما لقيته يموت
إيه يعنى لما بتستنى ف حد عزيز ما يجيش
أو حتى يوم ما بييجى بتشك انه عزيز
أو بتشك ف نفسك يبقى قاعد قدامك وبرضك مستني
إيه يعنى
لما رغيف العيش المعجون بتراب ما يجيش
إيه يعنى لما مسكت ف ايد ابنك وبتحكى له عن بكرة وعن الأحلام الوردية وفجأة تلاقى اديه ف اديك وباقي الجته مافيش
تاهت ف الزحمة
إيه يعنى لما وعدته بشيء
ماقدرتش حتى تجيب صرة ف منديل
ووعدت تجيب الديب من ديله
ماقدرتش حتى تجيب الديل
إيه يا يعنى يا شيخ الدنيا انهدت يعنى؟
ماهو عايش يتفرج على بوسي سمير مرتاح
إيه يعنى
يا راجل
بتكبر ف المواضيع كده ليه
إيه يعنى
لما محمد عبد المعطى يموت
ماهو كان ولابد هييجى اليوم ويموت
حتى اختار الوقت الصح تمام
قبل اديه ما تلج م البرد وم الخوف
قبل عنيه ما تتوه م الخوف
اختار الوقت الصح
إيه يعنى
لما تقوم الصبح وتسال نفسك عنه وتعرف انه م بقاش موجود
إيه يعنى لما محمد عبد المعطى يموت؟
والدنيا هتترج بموته؟
ما غزة كل يوم بتقوم وتموت وتقوم وتموت وتموت وتموت
أنت مكبر ليه المواضيع
بقى حبة أشياء بتضييع من ايدك
فتضيع
أو تتفا جيء انك واحد تانى
رابط نفسه ف ساقية ومغمى عنيه
ويلف بكل بساطة
طب ماانت كويس اهه
وبتقدر مع كل نهار بتعييد الدوران واللف
وكمان بتخش الحمام
و بتآكل لسه طعام
إيه يعنى يا شيخ
لما تقوم تلقى ف قلب مرايتك واحد مانتش عارفه
أو عارفه ومش شايفه
أو شايفك ولا شايفه
بقى حبة أشياء بتضييع فتضيع ؟
ما تضيع
بتكبر ليه المواضيع
05/18/2008 - 18:50
القسم:
اقرأ أيضا للكاتب:
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
التعليقات
قرأت نصك الجميل سابقاً
وها أنا أمر ثانية لأحييك تحية تليق بك شاعرة مبدعة
مودتي العميقة
آسيا خليل
اقولك انا دا يعنى ويعنى ويعنى
هو انتى هتحاولى تتكلمى وكان مابيهمكش حاجه
بس انتى اول واحده يهمها
وباين فى النص
واول
واول
واول
اقرى معايا سنه سنه وحرف حرف
هتلاقى كل حاجه ليها وفيها معناها
ولا ايه
هوا انتى بس اللى مش شاغلك وبتنزفى
ما كلنا بننزف ومش واخدين فى بالنا
وبنقول
أيه يعنى
مودتى
محمد حسنى إبراهيم
مفروض مننا إننا لا نكبّر المواضيع ولا نجيب سيرة أى شيئ .. طالما إنك هنا ، فلا وقت للكلام طالما حضرت كلماتك الرائعة وفنياتك الجميلة ، وروحك الشفافة اللى بتطل من الكلمات ... أنت فنانة بجد
أقسم بالله .. من أول حرف ف قصيدتك ..
كنت عارفه
أن وراها
موت ...
محمد عبد المعطي ؟؟؟
عارفه ياسيده .. قريت بسرعه عشان ألقاه
ولقيته
فتأكدت ..أن مشاعري ماخدعنيش ..
ورجعت .. أقراها من الأول .. بعد ماأطمنت إنه مامتش ؟؟؟
عارفه ياسيده ..
لما واحد .. من الشعرا زمايلنا بيموت .. حته مننا كبيره آوي بتندفن معاه
أسمها .. الأمل
شوفي بقي .. ماما زينات .. فقدت في حياتها كام .. أمل
لما حاتقري .. حتي الجني
حتلاقيني بقول
ومرايه ف الأيد اليمين .. تصرخ ف وشي أنتي مين ؟؟؟
أيوه ياسيده
أنا مش عرفاني .. ؟؟؟
أصل اللي ف المرايه .. مش زينات
زينات .. كان كلها أمل وحياة وحب
لكن اللي قدامي ف المراية .. واحدة غريبة وعجوزة
واحدة بتصحي الصبح مستغربة
يااااااااااااااااااااااااااااااااااااااااااااااااااه
هوّه أنا لسّه حااعيش يوم تاني ؟؟؟
طب والنبي يارب .. بلاش حد من حبايبي .. يوم النهارده ؟؟؟
سيده فاروق .. وجع ..
له طعم .. وجعي
دمتي.. كبيرة ..
بحجم الوجع
زينات القليوبي
كل ولد آدم كتبت عليهم هذه السنه ..
من هنا استخدام اللفظة الدارجه ( وايه يعنى ) فى نص يتناول شاعرنا الراحل محمد عبد المعطى .. مرفوض تماما وغير مستحب .. اذ أن الشاعر محمد عبد المعطى رساله كونيه - وكان ميسرا لما خلقه الله له - (وايه يعنى ) تعنى استدعاء اللامبالاة فكل الأشياء تضيع .. وتلاشى .. ولكن يجب أن تعلمى ياشاعرتنا الرائعه ان شاعرنا الراحل محمد عبد المعطى رحمه الله - كان من قادة الرأى - فهو شاعر وأديب أثر وتأثر
وبالتالى فتاريخه وعطاؤه لايجوز بأى حال من الأحوال الكتابة عنه بلفظة ( وايه يعنى ) .. لأن الموت ليس هو الفناء كما يعرفه العوام
ولكن انتقال من حياه الى حياة أخرى لايعلمها إلا الله ..
سيدة ..
كتاباتك رائعه .. ويجب عليك كشاعرة وكمبدعة أن تتريثى فى صياغة لوحتك الجميل كى يستقيم المعنى والمبنى .. ولا يمكن أن يقبل من شاعره رائعه مثلك أن تستخدم لفظة أقل بكثير من قامتك وقامة
شاعرنا الراحل / محمد عبد المعطى ..
محمود عبد الحليم
امراة تفكر بصوت مكتوب
فتسمعها القلوب
شكرا سيدة
إيه يعنى !!!
تركيبة لفظية تعكس كل الأوجاع
التى تتملك الذات الشاعرة التى إختارت ان تخاطب الآخر داخلها وخارجها
بمناورات لفظية تظهر اللامبالاه وتبطن كل ماينتابها من تعب وحسرة وألم
أحييكِ على براعتك فى إختيار لغة حوارية
تقترب فى شكلها من الكلام العادى الجارى على ألسنة الناس
وتمكنك من صبغتها بشعرية شفيفة تفرز مكنون ما للذات الشاعرة
من متناقضات ومعاناه وتحديات مع واقعها الشديد القسوة
الإطراء على شعرك ياسيدة سيكون سخيفاً وانتى واحدة ممن يُشار لهم بالتفرد والتميز
ولكن واسمحى لى ومن منطلق المصداقية فى التلقى
وجدت بعض قليل من الألفاظ التى لو تخلى عنها النص لما ضرته فى شىء
منها ( وبتاكل لسه طعام )
ولا ادرى مافائدة كلمة طعام هنا
حتى التداعى الذى صنعته الكلمة مع ماقبلها ( حمّام
لم يكن موفقا وأعتقد انكِ لم تتعمدى الإتيان به هكذا فى النص ولان هذا ليس شكل كتابتك
هى ملاحظات محبة لشعرك وغيورة على تجربتك
خالص تقديرى وتحياتى ومودتى
أشرف
قادرة على جدل القصيدة بلغة سردية كبيرة. جديلة أنزلق معها في الطريق الذي ترغبينه، لن أتحدث وأئمة العامية هنا، كما أقول دوما ، أنا استمتع بالعامية .. لكن عاميتك لها خصوصية باذخة فعلا
أحييك
لك كل التحية لمرورك الكريم
التحيه كل التحيه لك صديقتى لمرورك الرائع
خالص مودتى
وان كانت الكلمات عاجزة
يا اخى انا معك فى ما اوردته عن العمل
وسعيدة ايما سعادة بملاحظاتك القيمة التى اعتز بها
ويارب اكون ديما عند حسن ظنك بى
دمت اخى وصديقى والشاعر الحقيقى
سيدة
الشكر لك يا صديقتى مرتين لمرورك اولا ولتواصلك الانسانى مرتين
دمت شاعرة وصديقه اعتز بها
لك كل التحيه على تعليقك القيم وانى اعدك ان اضع كلماتك الرقيقة نصب عينى
لقد اافتقدناك يا رجل لا تغيب
سيدة
وحشاااااااااااااااااااااااااااااااااااااانااااااااااااااااااااااا
والله لا استطيع كتابة اى رد على كلامك الرقيق
ولا استطيع ان اصف لك مدى سعادتى بقصيدتك الرائعة
بس
مش عندى كلام قدك
سيدة
يا اخى انت تخجلنى دائما بكلامك الرقيق
دمت انت ودمت انا فى تواصل حقيقى معك
سيدة
محمد حسنى
انت دائما تكتبنا بقصائدك
وانا اكتبكم كذلك
ليتنا ماكنا شركاء الوجع والفقد
دمت اخى وصديقى وعشرة عشرين سنة -------
سيدة
ما هي نصيحتي لشقيقي ؟
نصيحتي له كانت : يا محمد " هو إسم شقيقي " إذا ألقي عليك القبض ، فسيضربونك مئات المرات بالأسلاك الكهربائية وبالهراوات وبالسياط إضافة إلى الصفع والركلات ... ولكن : عليك أن تصمد وتتحمل أول عشرين جلدة سوط أو ضربة عصا ... وبعد ذلك ، لن تشعر بمئات الضربات مهما كانت السياط لاسعة ..لماذا ؟ لأن جسد الإنسان سوف يتخدّر بأول عشرين ضربة سوط ، فلا يشعر بالباقي
**
هي المرة الأولى التي أقرأ فيها للشاعرة سيدة فاروق ... فأسَـرَتني شاعريتها والبُعدُ الإنساني في قصيدتها هذه ـ والتي ظن بعض الأخوة أن فيها استهانة بحياة أو موت شخص أو شخوص .
الان : ما العلاقة أو الرابط بين حديثي مع شقيقي ، وبين قصيدة سيدة ؟
العلاقة هي أن كثرة المصائب التي مرت بها سيدة ( سيدة كفرد أو سيدة كرمز لمجتمع ) جعلتها لا تشعر بالمصائب ... لأنها قد أدمنتها أساسا ، حتى غدت وكأنها " أمر روتيني " ألمْ يقل شيخي الكبير المتنبي " ما لجرح بميت ٍ إيلامُ "
أو قوله الآخر : أنا الغريق فما خوفي من البلل ؟
الشاعرة المبدعة سيدة ـ لا تشعر بالألم من كثرة الألم ... إنها السخرية المريرة ، والضحك الذي هو أعمق من البكاء على رأي شيخي وشيخ الجميع المتنبي .
.. هذا ما أعتقده ـ وقد أكون خاطئا
بقى حبة أشياء بتضيع فتضيع؟؟؟
ما تضيع
بتكبر ليه المواضيع
اكثر من رائعه يا سيده
دمت مبدعه للسهل الممتنع
امال