You are here
اشتقت لك
اشتقت لك
آمال فتيحة
اشتقت لك قبل الوداع
واشتقت لك بعد الرجوع
وقلبى بين الاتنين لا عاش
ولا مره دق فى الضلوع
اشتقت لك وانت الوحيد
عارف ما بينى وبينى ايه
وانت اللى منك فيك بدوب
وانت الوطن بحن ليه
يا طيور يا طايرة فى السما
يا نسمه يا متبسمة
مين اللى حبك قدى انا
ولا احتواكى فى الدما
مضطر اضمك جوه سورى
وأدارى قلبى ان دق لك
مسجون لكن بأصبح امير
ساعة ما أضمك وأمتلك
احتجت لك أكتر كتيييييير
من احتياجى للهوا
اشتقت للحب الكبيييييييير
وكلامنا لما نكون سوا
يا قلب عمره فى يوم ما باع
اشتقت لك قبل الوداع
واشتقت لك بعد الرجوع
وقلبى بين الاتنين لاعاش
ولا مره دق فى الضلوع
06/01/2008 - 05:34
القسم:
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
التعليقات
آمال فتيحةجميلة حالة الوجد والسبح الجميل الذى تعيشينه
عبر سطور إبداعك
تعبيرك عن حالة الشوق قبل الوداع والشوق بعد الرجوعتعبير ذو خصوصية ..
وذاتية النص التى تحمل بين سطورها روحانية رائعه جعلتنى اسبح معها ..
وأتعايش معها حبا واعتزازا
بأديبة موهوبة متألقه
محمود عبد الحليم
أشكرك على نص رقيق ينساب كقطرات الماء
دُمتِ رائعة
ولا تعليق؟؟؟؟
والله انت الاروع والاجمل دمت مبدع مختلف
بس اقولك ايه وأنت لسه رائع زى ما أنت
شكرا لكلماتك الجميله
لو حبيت أعبر عن حالة شوقي ليكي
مش حلاقي ف شعري كلام يعبر أنا آد إيه !!! ..
( إشتقت .. لك )؟؟؟
فإسمحي لي أن أستعير هذه الأبيات من شاعرتي التي لاتفارق كلماتها قلبي
الشاعرة الكبيرة ( آمال بسيونــــــــــي ) .. وأهديها لك
لأني وجدتها أكثر من عبر عن الشوق الذي أستشعره تجاهك ؟؟؟
احتجت لك أكتر كتيييييير
من احتياجى للهـــــوا !!!
اشتقت للحب الكبيييييييير
وكلامنا لما نكون سوا ؟!!
يا قلب عمره فى يوم ما بـــاع
اشتقت لك قبل الــــــوداع ؟!!!
واشتقت لك بعد الرجـــــــــوع
وقلبى بين الاتنين لاعاش ؟!!!
ولا دق مرّه ف الضلـــوع ؟!!!
.....................
هيّ دي
( آمـــــــال بسيوني )
في حبها .. في شوقها
قمة في المشاعــــر ..
وعظمة في الإبــــــداع
أختك
زينات القليوبي
ابوابها متفتحه من غير جنود حراس
وسقفها مرمر ومسك على عنبر
وحيطانها لولى ودهب مرجان معاه الماس
على عرش قلبى أميره بس لو تطلب
روحى أقدمها بكل فرحه وحب
ان خيرتنى الحياه
بينها وبين روحى
من غير ما أفكر أنا
كفة زينات بتطب
زينه اشتقت لك
وحشتينى وحش مفترس
دومت لى
امال
أيوة أنا مشتاقة ليك
مشتاقة لنظرتي
تنعس شويةجوه عنيك
ولا كفى ينسى نفسه
وهو دايب بين أيديك
صدقيني مشتاقة ليكي
للجمال اللي في عنيكي
لحرف مغزول بالحرير
عاشق من مغزل أيدكي
ياأم المشاعر
والهيام
حرفك أنت في نن قلبي
خبط ونام
الجميلة أمال
مش كل من كتب عن الحب حسيناه
هنا رفرف قلبي بجناحيه بقوة من أول بيت لأخر بيت
دمت رقيقة
ويبان لقلبك الرقيق طعم الفرح والبوح
حرفين بتاخدى غنوتى
وترجعينى سكتى من غير اوان
كل الكلام بيبان معاكى بتنفتح
وتجيب حاجات اجمل مافيها عمرنا
وترجعينا لطهرنا
انبل مافينا كلنا
كلمة حنين
واجمل مافينا انتى ايتها النبيله
بمعنى الكلمه
لك تحياتى وتقديرى
محمد
فى أحضانك ما بين الحلم والتانى
رميت لك كل أحزانى
همست لقلبك الطيب
فداكى لو يضيع العمر
مدام الصبر حينول
ونبدأ تانى م الاول
حيحلى المر لو طول
وأشيلك جوة عينى وأمر
شكرا أيها القريبه من القلب
امال
أيدك فى ايدى والشوارع مش دفا
متشبكين علشان نقاوموا العاصفه
والقلب بيك ونسان وكان انسان برىء
عمرك ما خفتى يا خطاوى م الطريق
عمرك ما كنت يا محمد غير بريق
عالى على سكة سفر
دمت أخ عزيز لابنائى
امال
أحييك على هكذا قصيدة.. تعبر بجوار القلب وتروح عنه
محبتي الكبيرة
كان تعلقك بمثابة النيشان على صدرى
شكرا مرورك الكريم احبك آسيه
امال
الحقيقه انت الوحيده بالنسبه لى
حدوتة قبل النوم
والله يا منى كل يوم لازم أقرأ اى عمل
من أعمالك آخر اليوم قبل النوم
صار أدمان عندى لدرجة ان ولادى
بيقولوا لاحفادى نانا بتعمل زيكم
لكن الغريب انى مش بكتب لك اى تعليق
يمكن لانك اكبر من اى كلام ودى حقيقه
دمت مبدعه رائعة وعطاءه
احبك منى
امال
إشتقت لك " دفقة شعورية ممتعة وبسيطة وسلسة
تصل إلي القلوب دون فزلكة
ودون تكلف
دمت مبدعة رائعة
مع تحياتي
عبد الناصر علام
معلش انا بحب البنات
مرورك سعاده كبيره لى
لك كل الحب ودمت مبدع مختلف
امال
وفي أنتظار لقائنا المرتقب
أحييك
مرورك اسعدنى أتمنى أن نلتقى قريبا
لك حبى وأكثر
امال
يا صباح الفيروز آسيه الحبيبه
كان تعليقك على نصى بمثابة النيشان
على صدرى شكرا لمرورك الكريم
احبك آسيه واتمنى لك كل الخير
امال
أعجبتنى هذه الأغنية الراقية التى تنتمى إلى الشعر الغنائى الراقى الذى كان يكتبه حسين السيد ومرسى جميل عزيز عبد الوهاب محمد
وكتبه بشكل أرقى الشاعر عبد الفتاح مصطفى فى أغنيته الرائعة المعجزة التى غناها محمد قنديل سحب رمشه ورد الباب وكتبها بعد ذلك الشاعر الكبير عبد الرحمن الأبنودى فى رائعة عبد الحليم الهوا هوايا
لكن شعر العامية يختلف عن الذى تكتبينه
وإن كنت لاأنكر اعجابى الشديد بما قرأته
موسيقى ومعنى وفكرة
لم أكن أعلم أن هناك جهاز رقابى على أعلى مستوى
يحذف ويمنع ويصادر ويحظر مايترائى له
وإن كنت منذ بداية التحاقى بالورشة الميمونه
أحاول جاهدا أن أكون موضوعيا فى تعليقات ومناقشاتى
إلا أننى كثير ماأجد نفسى مضطرا للرد بشكل يثرى حلقة النقاش
أو الرد على خواطر يعتقد المتشدقون بالحداثه
أنها شعرا .. وهى لاتمت بالشعر بصله
وبرغم أن هناك من يضيق ذرعا بى
للتدقيق فى المعنى لتشريحى للكلمات والألفاظ المستخدمه
حرصا على ارتقاء النص
وتنوير المبدع بمناطق السلب والايجاب فى نصه
ومن هذا المنطلق .. قرأت نصك جيدا ..
وأعجبنى جدا جدا
والغنائية التى تشكل سوناتا الحرف أمتعتنى
أنتى شاعرة جيده تستحق كل اهتمام
والنص ان كان كما يقول شاعرنا الجميل عزت الطيرى
فهو نص يحتاج لوقفه ومراجعه حتى يكون نصا
محسوبا لك لا عليك فى مجال الأغنية
تحياتى لشاعرة ومبدعه اعتز بها
محمود عبد الحليم
انا مش فاهمة لكن مبسوطة
حاسة ان فيه حاجة حلوة
لكن انا صراحة
راسى لما بتتقل ما بشلهاش
ومحبش حد يشلها بلاش
وده كلام شاعر كبير اسكندرانى
فحاول انت كمان تعمل كده
اعمل اللى انت عاوزه وقت ما انت عاوزه
المهم احترام حرية الاخر
والله مانا عارفه اذا كان ده مناسب للى انت عايزه ولا لاء
انا قلت ورزقى على الله
اشكرك على اعجابك بالنص
امال
عزت الطيرى
والله انا اول ما شفت اسمك على النص
زرغطت من الفرح
اصلا احنا اتقابلنا كتير فى اسكندريه
وفى اكتوبر وفى القاهرة بس انت ناسى ما علينا
سعدت بتعليقك واشكر مرورك الكريم
امال
أراه نصاً عادى البنية
فقط به حسُ شعرى جيد
لكنه كقصيدة لها رونق الثبات الشعرى
لستُ أعتقد