الورشة

في الوقت ده بنت ملامح قلبك الـ............
وفتحت سكّه لصوت جديد
ولعبت فيها لعبتك
كل العيون بتبص لك
وإنت الكفيف
طب كنت فين
لمّا وليدك عدّي خط حدود بلدكم
ما كانتش راكعه للقمر
من تحت رجلين الولد
ما كانتش راجعه الإبتسامه من جديد
صدّقت حلمه
وإلا إنخدعت بدم حيله ع القميص
سلّمت روحك للقدر
والصوره فيك إتشكّلت
لمّيت ضلوعك
وعملت حيله للوصول
إستسلمت القصه ليك
اللغز بان
والجنّه فتحت ليك بيبانها
كل النجوم بتعزّي قلبك
اااالأنبيا بيقولوا حكمه ف قصتك
وإنت إللي عايش ع الأمل
ولمحت ضعف الإنكسار
مابين صدور الأوليا

***********

في الوقت ده
بانت ملامح قلبك الطاهر
والرؤيه ليك إتشكّلت
فسّرت حلم المسجونين
وعجزت تقرا رؤيتك
وحفظت لحمك م الضياع
والتهمه وقعت فيك لوحدك
إنت إللي صادق ف الدعا
ودعيت لوالدك إستجاب
أرضي إللي عشت ف ضلّها
الحلم عشّش في الخيال
قمرك بيرفض ضيّه ليها
شامم ريحتها
وإلا إنتهيت من قصتك
ماكانتش لازمن تنتهي ع الفرحه بينكم
وأقعد لوحدي في إنتظار
علي فرحه جايّه