الورشة

للوضوح
الملامح شبه تايها
والرجوع للتاريخ
مش ف صالحك
لمّا تلقى الدنيا ضلمه
يبقى وقتك راح عليه
انت ممكن تمشي خطوه
بس قبل دى كله تعرف
ان صوتك شبه ميت
وان شعب الأرض ملهي
لو ها ترجع للقاله عرابي قبلك
(لقد خلقنا الله احرارً )
وتلم كل الشعب جنبك
تبقى خايب
لو ها ترجع
برضه ربك نادى لينا وقال عبيدى
يبقى عادي
والخديوي كان صريح
والوصول للحقيقه
عيزه باحث يبقى فاضي
بس برضه عرابي نسبه كبيره جداً مش مكافح
هو لمّا الكل زقه
حب يلعب دور مناضل
انت برضه
لمّا تلقى اسبت نازل
أبدء الخطوه الجديده
الحواري
ماليا صدرك بالعفار
والسلالم مش متينه
فانتظارك للظهور
الملايكه مش معاك
واعتصام الشمس عادي
الابالسه
ماسكه ايدك للوصول
سقف بيتكم
جاله امر بالسقوط
والجلاله سبها تخدك
بس وانت ف المحاكمه
للوضوح
اعرف ان الدنيا ليل
وان صوتك شبه ميت