You are here
العشق اللاشرعي
العشق اللاشرعي
كاظم آل جابر السماوي
عندما عشقنا الارض كان عشقنا مليء بالشكوك ..هذه القصيده هي عباره عن حبنا لاطهر تراب واطهر ارض هو تراب العراق
موشرعي العشگ
زاعتنه الشواطي وذبح روحه الطين
مو شرعي العشك والگاع بي حبله
والماي الصفه من الروج حدره الخوف
من العار مات وبلعته الدهله
شما مر النسيم اتجرنه صفنة موت
شرب دخان دمنه وخنگته الذله
خبط كلشي وتنجس واليكر الماي
دم خنزير والمذبوح شيغسله
.
كف ثوبه النجس واتيمم من الريح
وطبع الريح كل مذبوح تندله
طبعنه شما نضمها ايّبين المظموم
من يعرك جلدنه اتبين الخله
شال الحيف روحه وركظ بيها العار
وكرهتنه الليالي وركصت ام كذله
تغازلنه السيوف ونضحكلهه اركاب
ويّذل الجرح يوم التغازله
الضحج بعيونّه امكمط نلاعب بيه
طفل وابليس هز راسك يغازله
غريبه اطوارنه وكل طور الف من طور
اذا واحد ثبت رجليه تزاغلله
نبچي بكل عرس ونهلهل بعاشور
والطاح اعله حظن احسين نكفله
حكهه الكاع من تطلك تصيح الغوث
سجاجين ابطنهه وكل نصل طفله
ولو يسر حملها وصدك راح تجيب
ميت يوكع وبالعار تغسله
من يابشر ذوله ومايهزهه الموت
وحته الموت صرنه اليوم نكفله
اثنعش كوكب ضوانه وماتعرف انشوف
چا بالظلمه هسه تريد تندله
11/04/2008 - 14:29
القسم:
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
مزيد