الورشة

لفيتها شرقى وغرب
انا اسطى معنى
وباعرف احب
مسحراتى بين الضواحى
لوعينى تغفل
...انا جرحى صاحى
واعرف اغنى وادق طبلى
وفى التمنى حواديت فى عقلى
مسحراتى دخلت حارة
خرجت منها مليان مراره
انا حاسبها ومش حاسيبها
ما اعرفش اتاجر يوم بالمشاعر
والفجر يطلع من حس شاعر
يقوله قوله لناس غلابه
اكلت بطونها سعر الديابه
مسحراتى بين النجوع
فاطر مواجع وسحورى جوع
عطشان محبه فى زمن المظالم
ورقيق باصارع جور اللى ظالم
وفؤاد ابويه وعمى صلاح
وخالى نجم وجدى بيرم
منهم عرفت افردجناح
واطير ارفف
لما الصباح