الورشة

يااااااااه يا محمد
والمرسي أبو العباس مهما تقول إنت شاعر بجد
إنت صادق جدا يا محمد
لا تغب مرة تانية أوكي؟؟؟
انتصار

عارف يا محمد .. فكرتني بفيلم شارع الحب والله
أنا حسام حسين البريمو كمانجا في فرقة حضرتك
من زمان واحشانا الحاجات الحلوة دى يا استاذ مختار صالح.. عفوا .. محمد شاكر
الله يرضى عليك يا محمد .. قصيدة بجد من شاعر بجد

الأستاذ مراد
اشكرك على هذا التعليق الذي يجعلني اشعر بالأرتياح
صديقك
محمد

الشاعر الأشعر / محمد شاكر ابراهيم
***
دي روح تانيه بتلبسني
تقول الشعر جوّايا
وبتسبني
وبارجع تاني لطبيعتي
دا أنا حتى ما بعرفش اقول الشعر ف الندوة
أنا آخري انام بلليل على سريري
وآخد نجمتي ف حضني
ونتعلم حروف الحب والشهوه
ونتعلم نربي عيالنا ع الضحكة
ونلغلهم من الدنيا حروف الآه
ونبنيلهم قصور من نور
ونمللهم جيوبهم مال
تصدقني
بإن كلامي كله هزار
أنا ما املكش غير نومتي
ولا باخد ف حضني نجوم ولا حاجه
ولا حتى بشوف الشمس نورها ازاي
ف مانفعشي أكون شاعر
أنا عارف............
كلامي م الضلوع موجوع
ف يوصل لك كلام مسجوع
حروف مليانه روح انسان
بيتوجع من الدنيا وم العيشه
 وصدقني ..........
جروحه بجد
***
أنها ليست ( روح واحده ( تلك التي / تتلبسك .. يامحمد
بل هي أرواح ( 80 مليون مصري ) كتبت هنا ما أملوه / عليك
قل لي ( بالله عليك ) .. يامن أفرزت ( هنا ) معاناة ( شعب بأكمله أن لم تكن أنت / الشاعر
فمن / غيرك  ( هنا أو هنااااااااااك ) يا أخي
يستحق
هذا 
اللقب
!!!
زينات القليوبي  

ولسه بداوي ف جروحي
وبتعلّم اقول الشعر من تاني
وبتخيّل بإن الهم جوّايا مالوش معني
الاقي الشعر جوّايا بيتحوّل لكتلة حزن
ويفرض نفسه ع الورقة
فيتّهموني إن كتابتي معروفه
ومش عارف اجدد نفسي من تاني
أنا ما اقصدش اكون شاعر
ومعرفش اكون شاعر
ومش غاوي اشيل الهم جوّايا بدون داعي
دي روح تانيه بتلبسني
تقول الشعر جوّايا
وبتسبني
وبارجع تاني لطبيعتي
دا أنا حتى ما بعرفش اقول الشعر ف الندوة
أنا آخري انام بلليل على سريري
وآخد نجمتي ف حضني
ونتعلم حروف الحب والشهوه
ونتعلم نربي عيالنا ع الضحكة
ونلغلهم من الدنيا حروف الآه
ونبنيلهم قصور من نور
ونمللهم جيوبهم مال
تصدقني
بإن كلامي كله هزار
أنا ما املكش غير نومتي
ولا باخد ف حضني نجوم ولا حاجه
ولا حتى بشوف الشمس نورها ازاي
ف مانفعشي أكون شاعر
أنا عارف............
كلامي م الضلوع موجوع
ف يوصل لك كلام مسجوع
حروف مليانه روح انسان
بيتوجع من الدنيا وم العيشه
 وصدقني ..........
جروحه بجد "

وهى فعلاً جروحه بجد أيها الشاعر الجميل محمد شاكر إبراهيم
والشاعر إذا كتب نفسه كان هذا قمة الاختلاف والتميز
شكراً لك أيها الشاعر الأصيل على هذا الإمتاع الحقيقى بالكلمة والشعر .
سميح