الورشة

لماذا علينا أن نرتضي بالدمع
كبديل للحياة
والموت
كأمنية وغاية
في حين إن من أورثوه لنا
لا يستحقون دمعة

صديقي أحمد...

أيها الموتُ انتظرني
اجلس على الكرسي / ضع أدوات صيدك تحت نافذتي / وعلق فوق باب البيت / سلسلة المفاتيح الثقيلة ، لا تحدق / يا قوي إلى شراييني / لترصد نقطة الضعف الأخيرة / أنت أقوى من جهاز الطب / أقوى من جهاز تنفسي / أقوى من العسل القوي / ولست محتاجاً لتقتلني إلى مرضي / فكن أسمى من الحشرات / كن من أنت شفافاً / بريداً واضحاً للغيب / كن كأحب عاصفة على شجر ولا /تجلس على العتبات كالشحاذ أو جابي الضرائب / لا تكن شرطي سير في الشوارع / كن قوياً ناصع الفولاذ / واخلع عنك أقنعة الثعالب

( محمود درويش)

الصديق أحمد يحيي
بعاميتك تغازل الموت ..
لكنكَ لن تغريني ابداً به ..

أنا من أؤلئك الذين قال عنهم ( لايتمنونه ابداً )

مودتي الخالصة

هي فعلا حاجة تجنن

عندما يصبح الموت أمنية
تصير الحياة  .. أغنية
حتي لو كانت كئيبة
منتزعة من ضلوع الألم
فإنها تولد نبضا دافقا دفاقا
سطورا ومعاني ، تنبت زهرا
قد يتنشقه من يأتي بعد
فيضيف حياة لحياة
ربما لم تكن طويلة
 ............
تمنياتي بطول العمر............... والســــــــــــعادة 

ليه .. يا أحمد
وماذا أقول .. ؟
يا أحمد .. يا حبيبي
أنت تجنن يا أحمد


هادي الناصر

دائما تزف الي الأخبار الحزينة
و اليوم لأول مرة تزف الي خبرا تفوق صدمته الحزن
عم سعد ......... مات !!!!؟؟؟
آاااااااااااااااااااه
لقد كان هذا الرجل في بعض الأحيان هو السبب الوحيد الذي يدفعني للذهاب الى الاتيليه
كانت عيناه تتبعني و تنهرني أحيانا
تماما كعيني ابي
رحم الله عم سعد
عم سعد كان بيروت كما كانت بيروت كعم سعد
حملناه معاصينا

انا كنت خايفه على قلوب أحبتك
وفاء تلك الرقيقة التي أحدثت غرفة جديدة بالقلب
 الناصح بوابة الصمت والحزن الشجي
أنا مش في رصيق القدم لكني تزحلقت بقشرة نصك لحظة أبدع الموت كلماتك
حسن لم ينم ليلتها خوفا
صحيح حاجه تجنن
ابن يحي لتسامحك قلوب من هوت أمام موتك
تقديري

صديقي الحبيب....بن يحيي
أن يموت الجسد..ربما يكون ذلك شيئا هينا-في بعض الأحيان
لكن..أن تموت الروح قبل الجسد...ذلك بحق هو الشئ بالغ الصعوبة!!!ء
أن نحيا بأجسادنا فقط يا صديقي...ذلك هو الموت بعينه
صعب ان نحيا كالأموات أخي الحبيب
أين غابت روحك صاحب الورشه؟!!.ء
أحمد.....
كل ما في حياتنا يمضي بقدر مكتوب
الجنون بحق يا صديقي أن نقتل أرواحنا فينا
استعن بالله أخي الحبيب
و تذكر
(إن بعد العسر يسرا)

إلي لقاء أخي وصديقي

الاخ الحبيب احمد يحيى

مش  عارف  أنا  ليه  ما  بموتش
مع  ان  قلبى  بطل  طيران
ودموعى  نشفت  م  الأحزان
والكلمة  خاصمتنى  ولا  بتقولش
والعتمة  معششة فى الاركان  . . ومهيشة  فى القلب كمان
.
مش  عارف  أنا  ليه  ما  بموتش
بطلت  أحلم  زى  زمان
بطلت  أشوف  دنيتى  ألوان
لون  واحد  بس  مصاحبنى  . .  ياترى  عارفه  يا  صاحبى
بلاقيه  مع  كل  مذيع  نشرة  أخبار 
راسم  ع  الوش  بسمة  ازاى  ما عرفش
وبيهدينا  درجات  ألوان  م الرعب
.
فمن  . .  من  . .  يخرجنى  من  كل  هذا  الموت
من  . .  يهدينى  وردة
من  يزرعها  فى  رحم  الغربة
من  ينبتها  فى  أرض  الخوف
من  يأخذنى  ذات  مساء  مجنون  . .  الى  مرقص
من  يسمعنى  . .  قصيدة  شعر
من  يعبر  بى  للضفة  الأخرى 
من  يروينى  من  نهر  الدفء
.
.
الرائع  المبدع  أحمد  يحيى  . .  استدعيت  بكلماتك  الشجية  كل  الألم  والحزن
فلنخرج  سيدى  سويا  من  هذا  الجب  . .  لنمد  أيدينا  . .  تتلاقى
فهناك  على  الشاطئ  الآخر  . .  تلوح  نبتة  حب
.
سيدى  . .  لك  كل  اعجابى  بكلماتك  الرائعة  البسيطة  العميقة 
تقتحمنا  . .  تستدعى  كلماتنا  . .  وهذا  روعة الابداع  . .  شكرا  لك
.

الله ... الله... الله
ماهذه الروعة
ماهذا الالق
ياايها الرائع
حتى حزنك غناء وتنهيدات ورومانسية
تحياتي واحترامي
جمال المظفر

افتكرت نص للشاعر خميس عز العرب
بيقول فية

الغايب حجتة معاه ربنا يجيبك ياموت
النص بتاعك انا مش قادر اكون معاة وكمان نش قادر اكون ضدة
بسهو بيدى حالة نفسية كدة مش حاببها
برغم انة من ناحية الشعر متملك لكل الأدوات والأمكانيات بس يمكن انا مش حابب الحالة

كلام جميل وقوي لكنك لو كنت عايش في العراق لكتبت ما هو اقوة بكثير ياسيدي  فان الاحياء هنا في العراق اموات

لا شك ان هذا النص هو تجسيد لحاله شعوريه ومزاجيه معقدة ألمت بك ..لذلك اروع ما فيها الصدق..ولكن يظل الاحساس باللحظه هو المحك الطبيعى والفاصل بين الشاعر المصنوع والشاعر المطبوع وانت وبلا ادنى شك شاعر مطبوع ؛ راجعت قصائدك من خلال الموقع قبل التصدى للتعليق على هذه القصيدة التى استدعانى لها العنوان؛ وإن كنت ارى ان ربما التمهل على التشبع باحساس هذه اللحظة ربما كان سينتج قصيدة وبدون مبالغة منى ؛واحدة من معلقات احمد بن يحيى..شكرا لسعة صدرك

...........................................
ذكري ,
وكام ذكري ؟
وصراع في عمر الناس ..
والناس , نست بكره !!
فعيش يا صاحبي اليوم .
وكأنه يوم عمرك
وسيب صور تحييك ..
 بعد انتهاء عمرك

عبدالقادرالنجيلي

العمر يبدأ ينتهى
 ناس تعيش ناس تندفن
 اوله فى هون الدايات
 اخرو فى دموع الكافن
 .............................
ابنى وصديقى احمد يحيى لم استطيع التعرف عليك من خلاال استقبلكم لى فى موقع الورشه ولكنى ومن خلاال قصيدتكم عرفت من انت فاعزورنى واعزر سنوات العمر
التى صداء بريقها ولااستطيع الاان اشركك الما بالما ووجع بوجع واهدى اليك قصيداتى التى ربما تشحز سيفك فى ظلام  الليل فتطرح الظلمه عنقداا من النور وهى قصيده الحياه
..........................................
بعنوان
االسندان
...........
اضرب على سندان حياتك
تاريخ كلامك وتاريخ سوكاتك
واجمع بأزميل الازاز
صوت الازاز
واجمع بأزميل الفلولاز
صوت الفولاز
وبين قوسين
ايد فولازك او ازازك
لو زاد فولازك عن ازازك
تبقى عشت فى صدر يومك
وان ذاد اازازك عن فولازك
تبقى ميت بين هدومك
بس مستنى فى سوكات
مستنى صو ت الندبات
مع ان لحظة مولدك
صوتك خرم ودن الديات
لما نطق
لغة العياط
والعياط
لغة البشر
فى الولاده والممات
ام اللى بين لاتنين
يايحيى
لغة الحياه
والحياه صياد وصيد
ياتبقى سهم العدل فيها
ياتبقى ديرة تنشنات
........................
كن فولازاولاتكن ازاز
 وكن سهم العدل
 ولا تكن ديرة التنشنات
 من ولداك
 او كبيرهم الذى علمهم السحر
 جابر سلطان
 الى الساحر الرئع
 احمد يحيى والسلام

لسه  فاكر الاتيليه يا احمد فاكر الشعر والقصص والاصحاب  بس  هم  اتفرقوا  والموقع رجع يلملم فيهم تاني  وده الامل الوحيد المشرق  ,اكيد  في يوم حيتجمع الاتيليهيون مرة اخري  ومعاهم الكتب والشعر بس يمكن من غير قصص
عم  سعد  لسه هناك  لو رحت الاتيليه حتشوفه في كل مكان

مش عارف
انا ليه ما بموتش.
....................
قد تهوي الطيور وهي تطير
 ولكنها لاتتمنى الموت
وقد يجف الغدير
ولكن أغصان الشجر لاتتمنى الموت
......................
أما الطيور فهي تحيا  وتسعى وتطربنا بعذوبة الحانها
فتحيا لأجل غيرها وتكابد من أجل بقائها ولا تتمنى الموت
..................
وأما الأغصان فلا تتمنى الموت لانها تحجب عن غيرها حرارة  الشمس
ومنصة جميلة لتغني عليها عصافير الحياة
....................
فهلا كنت طيرا يحيٌ لتبقى الحياة
وغصنُ يبقى لتنموا الحياة
ولاتتمنى الموت
فتبكي لموت محبيك من تمنيك

لو تعرف يا أحمد
آد إيه قتلتني القصيدة دي
كنت أشفقت عليّ كطبيب .. من قرايتها
قعدت أدور فيها عن حبايب مشتركين لّيه وليك
وبيتهيألي .. إن أيمن ممكن يكون الغالي أيمن صادق
وإن فاطمة هي الحبيبة فاطمة جعفر حرم أيمن
بس عارف يا أحمد
مين اللي قتلني
حســـــــــــــــام
كان حسام الدين شوقي
أجمل وأرق وأصدق شاعر وإنسان عرفته
عارف يا أحمد
كان ذي ولاد الموت
ليهم حزن غريق ف عينهم شفته ف أول يوم
 شفت فيه حسام في قصر ثقافة الحرية
وكان الكلام ده بالتحديد من ثلاتين سنة
ياااااااااااااااااااااااااااااااااااااااااااااااااه
كان حسام أصغر من ممكن بحوالي خمس سنين
تصور إنه أصغر مني
ومات وأنا لسه مامتش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فاكر يا أحمد حسام
كان آد إيه طيب
آد إيه إنســــــان
آد إيه شاعــــــــــر
فاكره وهو صغير
لما كان شعره كانيش وطويل
وعامل هيبز
كان بيحب يعيش
كان بيحب الناس
والشعــــــــــــــــــــر
والشعـــــــــــــــــــرا
والبحـــــــــــــــــــــر
والنحــــــــــــــــــــت
كان بيحب الدنيــــــــــــــــــــــــا
أكتر مني
ومات وأنا لسه مامتــــــــــــــــــش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كان حلمه
يبني الفيلا
اللي في أبو يوسف قرب البحر
اللي سماها ( فاروس ) وبناهـــــــــــــا
بعد 15 سنة غربة
كان حلمة يعمل جماعة فاروس الأدبية وعملها
كان حلمه يخلف الولد والبنت وخلف
كان حلمه يعمل معمل خاص وعمله
كان حلمه يعمل معرض للنحت وعمله
كان حلمه يغني له مطرب كبير وأغنيته تنجح
وغني له إيمان البحر ( قول ياقلم ) ونجحت
ورغم ده كله
عمر نظرة الحزن ماغابت عن عينه لحظة
مع إنه دايما كان المبتسم الضاحك في وشوشنا
لحد ماجه اليوم اللي بنته ماتت فيه
وهي لسه في سن 13 سنة بعد مرض عانت منه سنين
ساعتها سأل نفسه السؤال ده
بنتي ماتت وأنا .. لسه مامتـــــــــــــــــــــــــــــش ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الكلمة دي قالهالي
وهوه بيترمي علي صدري يوم مارحت أعزيه
قالي
زينات .. بنتي ماتت
وأنا لسه مامتـــــــــــــــــــــــش
يازينات
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وفي خلال 8 شهور
يصاب بنفس المرض اللي أتصابت بيه بنته
ويمـــــــــــــــــــــوت حســـــــــــــــــــــــــــــام
وأنا
لسه مامتـــــــــــــــــــــــــــــــــــش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كان بيسمعني في التليفون كل قصيدة جديدة
ويسمع مني
يوم ماحللت عنده وعرفت إني جاني السكر
ولقاني لسه حاأدخل في نفسي وحزني
شاورلي علي طفلة علي دراع أبوها
وقالي
آمال تعمل إيه دي اللي عندها سنتين لسه
وطلع إن عندها السكر ؟؟؟
ساعتها بكيت علي الطفلة ونسيت سكري ؟؟؟
آد إيه كان حسام جميل
آد إيه بفتقد وجود آمثاله في هذا العالم
بس النهارده
بكيت عليه لما قريت إسمه في وسط صحابك
ذي مايكون الخبر لسه واصلني دلوقت
وصعب علي أوي
إنه مات
وأنا لسه مامتــــــــــــــــــــــــــــــش
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تيجي نحقق حلم حسام
ماحققهوش
تيجي
نخلي حسام
يعيش تاني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حسام
ماطبعش ديوان شعــــــــره
وما أعرفش ليه لما سألته
ليه ياحسام ماطبعتش ديوانك
قالي
والله يا أختي الدنيا وخداني
كل ما أمسك فلوس .. أحطها في حاجه تنفع الولاد
وأأجل موضوع الديوان
عارفة يازينات أشعار أخوكي فين
في كرتونه تحت السرير بتاعي ؟؟؟
هل كان حسام يومها بيطلعني علي مكان أشعاره لأنه يعلم
إنه سيأتي اليوم الذي أكون سببا في إخراج ديوانه
إلي النور ؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تيجي نطلع الكرتونة
أنا وأنت وأيمن وفاطمة ؟؟؟
تعالي يا أحمد
بإدينا نعمل حاجه لحسام
هو في أجمل
من إننا نرجع حسام للحياة بين الناس ؟؟؟
في ديوان يحمل
 إسم
الشاعـــــــــــــــــر
حسام الدين شوقي
~~~~~~~~
في إنتظار الرد

زينات القليوبي

الرائعة أم الكل زينات القليوبي
لم أعرف حسام ولا أعرف   من تكلمت عنهم جميعا
ولا أعرفك شخصيا
ولكني أعرف ما تتحدثين عنه جيدا
حينما يفرغ العالم ممن نحب
ولا تبقى غير أخيلة نقتات عليها أو تقتات علينا
لا يشعر بها الا من عاش غريبا بعيدا عن وطن الأحباب وحين يعود
ليقابلهم
لا يجدهم ولا يستطيع نطق اسم واحد فيهم دون أن يتبعه بعبارة
الله يرحمه
تحياتي لكم جميعا
وأنا معكم لبعث ديوان حسام
وليكن عمرا آخر له
**
تحية واجبة للشاعر الذي استنزف ذكريات الوجع
تحية لأحمد يحيى

إبنتي الحبيبة إنتصار
ضمتني كلماتك .. وإحتوتني مشاعرك النبيلة
ودثرتني السعادة .. حين أدركت أنني أستطعت أن أهدي حسام أختا جديدة
كان سيحبها مثلي .. فهو قلب لم يعرف إلا أن يحب
يقولون أن الأرواح تطوف .. وأنا أعتقد أنها حتي لو لم تكن تطوف
فروح الشاعر بالطبع تطوف فهو المحلق دائما .. فكيف يسجن .. لا أظن أن الله يحرمه هذه المتعة بل لعله يختص بها الشعراء دون غيرهم ( كمنحة إلاهية )؟؟؟
وأن كان الوضع مع الأرواح كما أحسبه
فقد رآنا حسام وسمعنا .. ولعله الآن يحلق فوق أكتافي ويقرأ ما أكتبه ؟؟؟؟؟
......................................................................

حسام .. واحشتني أوي ياواد يابو عيون حزينة
صدق .. إنك واحشني .. بشكل وحش
بس إيه رأيك ..أنا واثقة إن المرء يحشر مع من يحب .. وعشان كده إطمن
ياحسومه كل أصحابك جايين لك واحد ورا التاني ..وبما إني صاحبتك االعجوزة اللي فيهم  واللي ذي ما انت عارف عندها كل الأمراض والحاجات والمحتاجات اللي كان فاضلها ( زقة ولاقشة أحمد يحيي) .. اللي الظاهر ربنا جعلها سبب .. مش بيقولوا تعددت الأسباب  .. والموت واحد  .. وبيقولوا القشة التي قسمت ظهر البعير ..
تصدق ياحسام إحنا فعلا بقينا بعير شايلين ومحملين حمول غيرنا ؟؟؟ وماشين ورايحين للمكان اللي محدده غيرنا ؟؟؟ ومش بنعمل حاجه واحد من اللي عاوزيناها ؟؟؟؟؟؟؟
بذمتك ياواد ياحسام مش أنت دلوقت أسعد مننا كلنا بص علي أحمد وزينات والله العظيم تلاتة نفسهم يبقوا في الهنا اللي أنت فيه ومش طايلينه ؟؟؟ بصراحه وبيني وبينك إحنا بنحسدك وبنقر عليك كمان ؟؟؟؟؟؟ طاير سابح  ( عصفـــــــــــور ) عارف أحمد مش راضي إنه يتزنق في جسمه ويتحبس في شغله وموقعه ووووووو قرر فجأة يكون عصفور ؟؟؟؟؟؟؟؟؟ وأنا بيني وبينك كنت أاتمني أكون عصفورة وأطير وياه بس خسارة
هوه ظروف سنه مساعداه ستة وتلاتين .. مش خمسة وخمسين ؟؟؟؟؟؟؟؟؟؟؟؟؟؟؟؟؟؟؟
وكمان وزنه خد بالك من حتتة وزنه  ؟؟؟؟؟؟؟؟؟؟؟ ممكن يسمح له يكون عصفور حلو صغيور أمور أمور ؟؟؟؟؟؟؟؟؟؟؟؟؟ لكن عمرك شفت ياواد ياحسام عصفورة وزنها
300 كيلو متر مربع ؟؟؟؟؟؟؟؟؟؟؟؟ مشكلة بشعة صح ؟؟؟؟؟؟؟؟ علشان كده ماقدرتش أطير .. هوه ياواد في دبه تطير ؟؟؟؟؟؟؟؟؟؟؟؟؟ حتي إن كان جوه الآساطير ؟؟؟؟؟؟
بس إن مت ف يوم ياحسام حااصبح روح وساعاتها حااطير ؟؟؟؟؟؟؟؟؟
شفت ياواد أنا ليه حسداك ؟؟؟
يالله نخش علي الموضوع بطل بقي تخرج ع النص ..
 أنا حساك واقف ورا مني وبتقرا كلامي ماشي ياعم أقرا براحتك .. أنا أتفقت مع أحمد نطلع ديوانك ومعانا كل حبايبك .. أيمن وفاطمة وعادل وكتيييييييييييييييييييييير وماتعدش كل اللي حبوك زماااااااااااااااااااان ولسه بيحبوك لحد دلوقت
بس النهارده ياواد ياحسام بااضم للمجموعة اللي بتحبك أختك إنتصار عبد المنعم
قاصة رائعة عارف ياحسام كان نفسي تقرا قصتها غجرية  تجنن ياحسام
عموما كان نفسي ليه ؟ ماانت بدام طاير فوق كتفي أفتح لك صفحة إنتصار وأخليك تقرا القصة براحتك .. وأخليك تقرا معايا قصص وأشعار كل زمايلنا في الورشة اللي فيهم ياما زمايلك وحبايبك وصحابك ......
آه بالحق .. طبعا من حقك تسأل ورشة إيه ماانت بقالك مـــــــــدة بعيد ؟؟؟
أحمد عامل موقع إسمه الورشة في مجموعة شعرا وكتاب قصة وأدباء ونقاد بصراحة الموقع كان عايزك .. إيه رأيك ؟؟؟
جتني فكرة تجنن وأنت عارفني مجنونة ومش ناقصة جنان
عارف إيه ؟؟؟
أحمد يعملك صفحة بإسمــــــــــــــــــــــــــك
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تنزل فيها كل أشعارك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وتجيلك تعليقات من زمايلك ؟؟؟؟؟؟؟؟؟؟؟؟؟؟؟؟؟؟؟
ولا تجيلك ياما بنات جوه عينيك الحلوه تبات ؟؟؟
(ماانا عارفك شعنون ومخاوي ياما حاكيتلي ياصاحبي حكاوي )
وأنت ترد علي الحلوين أظهر يالله ياصاحبي وعيييييييييييش؟؟؟؟؟
..............
آه .. مين راح يكتب للحلوين ؟؟؟؟؟؟؟ ساهله ياصاحبي عندك ياما
ممكن روحك تحضر فّيه وأبقي أرد ياصاحبي بدالك ..
ولا بقولك أحمد أحسن أصله رومانسي .. سهل يعيش أجمل أحوالك ؟؟؟
 سهل يصور إيه إحساسك سهل يعبر ع اللي ف بالك  ياللي ياصاحبي أعمل مابدالك ؟؟
حساك مبسوط وبتضحك .. ماشي خلاص إتفقنـــــــــــــــا كفك بقي ع الفكرة الحلوه
يااااااااااااااااااااااااااااااااااه داانا نسبت إنتصار طول عمرك كده بتنسيني لما أتكلم معاك كل حاجه ؟؟؟ فاكر لما رديت علي تليفونك وقعدت تقولي قصايدك اللي تجنن
وفجأة صرخت لك في التليفون وقلت لك .. حسام اللحمة أتحرقت ؟؟؟
وأنت قعدت تضحك .. وأنا أقولك منك لله بسبب قصيدتك الظاهر أني حاأطلق ؟؟؟
وأنت يامجرم ساعتها قولت لي ياريييييييييييييييييييييييت ؟؟؟
قولتلك في خد يحب خراب بيت أخته ؟؟؟
قولتلي آه أنا ؟؟؟ عشان تتفرغي لسماع قصايد أخوكي ؟؟؟ قولتلك يابارد يا أناني وقفلت السكة في وشك ؟؟؟ ألاقيك وأحنا بنتغدي تتصل بينا يرد عليك أبو وليد وألقاه ميت م الضحك وبيسألني هوه أنتي حرقتي اللحمة ؟؟؟
وطبعا أنا بسرعة كنت عملت لحمة غيرها فقلت له مين قالك ؟؟ قالي حسام ع السماعة بيقولي أنت مطلقتهاش لسه بعد ماحرقت اللحمة ؟؟؟؟؟؟ أخص عليك (يافتنان)؟؟؟؟؟
بقولك إيه سيبني بقي أتكلم مع إنتصار وبلاش الأنانية اللي جاتلك علي كبر دي
أيوه ياإنتصاااااااااااااااااااااااااااااااار
حسام حضر عليه ومش عايز ينزل من فوق كتفي غير لما يقرا الغجرية
خلاص مضطرة أسيبك .. أصل الواد ده كان شقي وبتاع بنات وكان وهو صغير بيحكي لي كل المغامرات .. وبعدين بقي لما أتجوز وخلف تاب عن البنات بس الظاهر من ساعة مابقي (حــــــــــــــــــــــــر)...إشتاق للبنات تاني وكلمة غجرية مجنناه
ماشي ياعم حسام .. بيقولي كفاية كلام مع إنتصار أنا عايزأقرا قصتها
معلش حااسيبك .. وأروحلك .. وحاأقابلك عند الغجرية
بحبك جدا .. والظاهر الواد حسام بتاع البنات رجع لنشاطه القديم لأني حسه أنه كمان حبـــــــــــــــــــــك ؟؟؟
قابلينا هناااااااااااااااااااااااك
باااااااااااااااااااااااااااااااي

زينات القليوبي
 

رغم ان الحاجه جننتنى ايضا ولكنى استمتعت رغم انى ماكنتش عارف اكتب تعليق على دى بالذات ولاسباب تانيه كتير خارجه عن ارادتى بس مسحت اللى فضل ف عنيا من دموع وحاولت الم شويه من التفكير وحاولت كمان ابعد صورة صاحبى محمد عبد المعطى اللى فارقنى وخانى وكنا متفقين منبعدش خالص لا ف حلو ولا وحش ونكتب دايما مع بعض وعن بعض ولبعض ما احنا كنا زى  بعض ف كل حاجه بس المواعيد يمكن ساعته كات مقدمه شويه او ساعتى عايزه حجاره وتتشحن وركنت عن انى اكون معاه يا ه
وفكرتنى بالمناديلى الشاعر السكندرى الجميل
كل الحاجات دى حاولت تبعدنى عن القصيده ونقدها بس انا لسه فايق واقدر امتلك ادواتى ف اى وقت واتكلم عنها





محبتى
محمد

 لا لا لا
رجعت ف كلامي بلاش بقي سيرة الموت
مش حســــــــــــــــــــــام رجع
طب مانيجي نرجع معاه ؟؟؟
بقي هوه يرجع وإحنا نموت
طب كنا جبـنــــــــاه ليه ؟؟؟
عجيبة والله ؟؟؟
عشان كده مش حا أقولك تاني..
بحبك  .. موووووووووووووت
حا أقولك
بحبـــــــك ..
حيــــــــــــــــــــــــــــــــــــــاة
يا
أحمــــــــــــــــــــــــــــــــــدي
ياعصفــــــــــــــــــــــــــــــور
زينه

إبني الحبيب / محمد حسني
الشاعر الذي أثبت شاعريته بالحضور وليس الغياب ؟؟؟
أولا .. آسفة جدا لتأخري عليك لأنك عارف بيت الجدة والجد ؟؟؟
هجم علينا الأبناء والأحفاد فأنشغلت بهم عنك وعن نفسي ..
ثانيا .. أول مره أعرف إنك من الفيوم وأنا بقول ليه الدم بيحن
أنا ليه فرع كبير لعائلة والدتي ( بسيلا وعزبة إدريس والناصرية)وفرحت إنك من ريحة الحبايب
ثالثا .. أسمعتني كلماتك عبر القراءة نبرة خوف عليّ من شئ ما ؟؟؟
أهو الحزن ؟؟؟ وكيف لا أحزن وقد رحل عني الجميع بداية من الأم والأب
ونهاية بأربعة أخوات ماتوا ودفنوا غرباء في بلاد عربية وأجنبية وأخ شهيد وإبن أخت شهيد ولم أحضر موتهم إلا من خلال سماعة التليفون اللعينة؟؟؟
وواكبهم موت الأصدقاء والصديقات .. وكان الحبيب حسام صديق من أصدقاء العمر والشعر.. وماهو إلا حلقة متصلة لرحلتي عبر آلاف السنين اللاضوئبة في حياتي ؟؟؟
رابعا .. أهو الجنون ؟؟؟ لا أعتقد أن هناك شاعر حقيقي ليس ممسوسا ولو بأولي مراحله ؟
خامسا .. أهو المرض ؟؟؟ ذي إيه يعني ؟؟؟ ذبحة جلطة سكر ضغط نقرس ولله الحمد والشكر كله موجود ؟؟؟ بس الظاهر إن ربنا عطاني المضاد اللي يخليني أموت كالأشجار واقفة .. عارف إسمه إيه المضاد ده  ( الصبـــــــــــــــــر) وعشان كده لسه مامتــــــــــــــــــــــــــــــــــش ؟؟؟
إن كنت تريد الإتصال بي ضروري فأمامك عدة حلول لأني لن أضع أرقامي علي النت
ولكنك تجده مع كل شقائق وأشقاء وأبناء الروح الذين عوضني بهم الله كمنحة إلاهية بعد كل من فقدتهم  .. إنهم شعراء وشاعرات الأسكندرية كما أنها أيضا مع اي من حبايب قلبي المغتربين عن مصر الحبيب أحمد يحيي ..أشرف الشافعي
أحمد أبوسنه .. ممكن أن تحصل علي أرقامي من أي منهم ..
إليك وإلي كل منحني الحب الطاهر الصادق
أحبكم
حيــــــــــــــــــــــــــــــــــــــاة
لقلب لا يعيش إلا بكــــــــــــم

أمكم

زينات القليوبي

انا فقط قلق عليك وقد انتابنى هذا القلق من خلال سطورك فى نهاية الرساله او التعليق وعلى راى المثل
احنا مش ناقصين مواجع وعلى فكره احنا اتقابلنا كتير فى معرض الكتاب وقلت معاكى شعر فى 2004 وبالفعل انتى ام لشعراء العاميه ويزعل بقى بتوع الفصحى انا باتكلم ف حقى
المهم قلقت عليك فقط لاغير وكنت عايز  اتطمن
واهديكى
حزانا زى الشجر
حزانا زى البيوت
زى اكتمال القمر
الدايره تكمل يموت
تحياتى
محمد

الله عليك يامحمد ياشاعر
سلمت يمينك ..
بتقول إتقابلنا كتييييييييييير ؟؟؟ في معرض الكتاب وقلت معايا شعر
وأنا مش فاكره ولا محدده ؟؟؟ كده طمنتني أن (الزهايمر) وصل ولله الحمد؟؟؟
وإسمح لي رغم الزهايمر ..أرد علي ومضتك الرائعة..
~~~~~

مااحنــــــــــاش ياابني شجر
ولاكنــــّـــــــــــا ياابني بيوت
ولاحتي كنــــــّــــــــــــا قـمر
يكمـــــــــــــــل وفجأة يموت

إحنـــــــــــــــــــا شوية ورق
معجون بنــــار القلــــــــــــق
مسجون في حيرة وزهـــــق
فوقه سنين نتحــــــــــــــــرق
نملا سطـــــــــــــــوره بيوت

فيها الشجــر يتخلــــــــــــــق
والـبــدر فيها إنطلــــــــــــــق
وإن كناّ ياابني نمــــــــــــوت

فبرغم ضعف الـــــــــــــورق
لو متنــــا.. مش بيموت ؟؟؟

طال عمرك

ماما
زينات القليوبي

كل النــــــاس بتموت ف العادي
وأنت ( أحمــــد ) موتك ( لأ )
وآما الموت حايجي لك قولـــــه
زينه قالت لي أقولـــــــك ( لأ )
خدها بدالي إن كنت مصمـــــــم
مش حاتقولك أبــــــــــــدا ( لأ)
كبرت خالص صبحــــــــت جده
شبعت هبــــــــــــــد ورقع وزق
شبعت شعـــــــر وهجر وغـــدر
جاهزة وروحها خلاص بتلـــــق
آما أنا شاب ولسه قصــــــــادي
عمـــر وفرحـــــة وقلب يـــــدق
قوله أنا شاعر باكتب كلمــــــــة
تعرف إمتي تجيب الحـــــــــــــق
قوله الورشة إن غبت حاتقفــــل
والإبداع حايتوهه م الخلــــــــــق
نقد وشعر وقصـــــة ومســـــرح
دعم ثقــافي وفكــر وخلـــــــــــق
قوله الشعـــــــرا إن غبت عليهم
راح ينزلوا ف هدومهم شـــــــق
قولي ياموت اذاي بتجينــــــــــي
وسط حبايبــــــــــــي وتنزل خنق
ليه عمـّــــــال بتحرجم جنبـــــــي
كل مااهشـــــــك تلزق لـــــــــزق
لسه بـــــــــــزق في حيطة حلمي
لمـا يادوب وافقــــــــــــــت تتزق
وأنت عجيبة تقولش عاشقنــــــي
هوّه العشــــــــــــــق كمان بالزق
مالك هاجـــــــــــم فارد قلعـــــــك
واخذ راحتــــــــك صاحب حق ؟!
ليه شبابيك الرحمـــة بتفتــــــــح
وانت تجيب لي قــــــــرار بالغلق
سبني وروح أتهـــــوي شويــــه
نفسي أشـــــــــــــــم هوايا الطلق
يالله ياموت أتلـــــــــــــــــم وأبعد
عندي قصيـــــــــدة ف عز الطلـق
لو حاتشوفك راح تتعفــــــــــــرت
وتخزق لك عينـــــــــــــــــك خزق
وتقطع لك فروة راســــــــــــــــــك
شد ونزع ماهوش بالحلـــــــــق
أصل قصايدي عليهم جنـــــــــي
ضد الكســــــــر وضد الحـــــرق
يالله ياموت أتهـــــــــــد وأمشــي
لاحسن راســـــي خلاص حاتطق
قولي ياموت ماتكونش حاسـدني
شايفك نازل قــر ونــــــــــــــــــق
يعني إكمني بااترجــــــم قصـــــة
لاجل الفكر يفـــــــــــــوق م الرق
ولا عرايس شعري بترقـــــــــص
من غير طبلـــــــــــة ودف ورق
أيوه أنا عازف ليه نياتـــــــــــي
لما أعزفهــــــــــا قلوب بتــــرق
وآما بنات أفكاري بتهجــــــــــــم
مهما أخاصمهــــــا ماهيش بتدق
ترجع تاني تحايـــــــــــل فــــــيّ
غصب عني الشعـــــــــــــــر يرق
بس يامــوت أنا ليه حبيبـــــــــــة
قلبها بعدي أكيد يتشـــــــــــــــــق
عايش بيهــــا وفيهـــا .. وليهـــا
وسط ضلوعي مساحة وشـــــــق
قلبي حبيبتي إن غبت عليهــــــــا
مش حايفكر بعــــــــــــــــدي يدق
كنت حبيبها .. دواها .. طبيبهــــا
عمر لغيري مايــــــــــوم حاتــرق
حلفت ليه ف يوم ماتاخدنــــــــــي
إن الأرض أكيــــــــــــــد تتشــــق
ون البدر حايرفض يطلـــــــــــــع
وإن الرعــــــــــــد حاينسي البرق
وإن الشمـــــــس حاترفض تشرق
مش حاتطل ف يوم ع الشــــــرق
وإن الناس حاتقوم بمظاهــــــــرة
م الأنفوشي لبــــــــــــــاب الخلق
سيبني أعيش علشـــــان أحبابي
لاجل ( ماقلب الورشــــة ) يدق
طب وحياتــك عندي (ياغالي )؟؟؟
   لو علشانــــي ما أقولك ( لأ )!!!
 بس إن كنت مصمم تاخـــــــــــــــد
عندك زينه إن جيت ( للحـق ) ؟!!

أخى أحمد يحيى
الأم الحبيبة زينات القليوبى
 أختى إنتصار عبد المنعم
أنتم ومعكم غيركم ممن عرفوا حسام أو لم يعرفوه
   هل تسمحوا لى أن أنضم إليكم ،  لنفتح باباً لأعمال حسام لتعانق النور كما كانت فى حياته 
أرجوا أن تقبلونى بينكم ولكى ننفذ للجانب العملى ، أرجوا أن تحصل أمنا زينات على أعمال حسام التى لم تنشر 
لنحققها معاً ونرى كيف نخرجها لأحبائه فى أبهى صورة  كأقل مايمكننا عمله له
هذا طبعا غير التواصل مع أبنائه وزوجته الذى أزعم أننا نسيناهم ولم نعطهم حقهم
وهذا بالطبع سيسعد حسام ربما أكثر من طباعة اعماله ، ولكن لما لا نفعلهما ومزيد 
أشعر بذنب كبير تجاهه ومنذ أن رايته آخر مرة فى منزل المرحوم على سليمان
والد الملحن محمد على سليمان ببيته الذى كان يضم المبدعين والشعراء والمطربين 
مع إبراهيم نصير واحمد يحيى شاعر الاغنية الذى كتب لإيمان ( ضمينى )
منذ ذلك التاريخ فى 1988 لم أره وللأسف ولن أراه لأن القدر أردا ذلك
 حتى سمعت بخبر وفاته فذهبت كغيرى أقدم واجب العزاء وهذه هى الدنيا التى نتصارع فيها وعليها
رحم الله حسام وأبقى أحبائه وبارك فى اولاده 
وأرجوا ان يظل حماسنا لذلك كماهوالآن حتى ننجز ذلك الواجب تجاه شاعر وإنسان
 إستثنائى بكل ماتحمل الكلمة من معنى
وشكرا للأم الغالية على الفكرة وما ستقوم  به بعد ذلك   
تحياتى وتقديرى لوفائكم
أشرف  

 

الأبن الكبيرالحاج أشرف الشافعي
ما أبدعــك .. شاعر
وماأروعك .. إنسان
سعدت برسالتك وكنت أنتظرها .. ودائما كان أشرف الشافعي عند حسن الظن
فليس غريبا أن تبادر بالمشاركة .. فأنت من بادر بالفعل ببعث ديوان الحبيب الغالي
أخي / محمد أحمد طه (رحمه الله)الشاعر العملاق الذي رحل في صمت وشموخ ..
لا أنسي أنك أخرجت ديوانه إلي النور قبل أربعين يوما من وفاته
لاأنسي قلقك وتوترك وسعـــيك من أجل أن يليق الديوان بصاحبه
ولا أنسي  أيضا أن شــــــعراء وشاعـــــرات الأسكندرية شاركوا
في منظومة العشــــــــــــــــق التي أخرجت إلي النور ديوانا رائعا كروعة صاحبه
وأعلم  أنك لو كنت موجودا معنا الأن لكنت آليت علي نفسك تحمل العبأ كاملا ..
ولا يسعني يا أبني الحبيب إلا أن أطمأنك فقد جعل الله من الشاعر الحبيب أيمن صادق
صديق عمر ( حسام ) وجاره سببا في أن يخرج الديوان إلي النور قريبا من هيئة قـــصور الثقافة فقد عاش حسام ورحل بعد عشرات السنين كشاعر ولم يطبع ديوانه
وقد أتصلت بالحــــاج أيمن أول أمس لأعرض عليه الفكرة لأقابله في الأسكندرية أنا والحبيب أحمد يحيي .. لنذهب جميعا إلي بيت حسام ونطلب من السيدة حرمه أن تعطينا الديوان لنطبعه ؟؟؟ وإذا بي أطير من الفرحة عندما أخبرني أيمن صادق أنه قام بالمهمة
والحمد لله .. الذي أكرمه بلا حول ولا قوة إلا بالله.. ويكفينا أن رفعت نوايانا الطيبة
إلي الله .. ولكني سأعرض علي الحبيب أحمد أن يكون هناك بابا خاصا في الورشة
للأحبة المبدعين الذين رحلوا عن عالمنا حتي نسجل فيه صفحات خالدة بأسمائهم
وأعمالهم ونوادر نحكيها عنهم .. ما رأيك أن تكون هنا مثلا صفحة لحسام وصفحة لمحمد طة  ومحمد مكيوي وسيد عقل ورزق حسن ووووووووووووووو
طابــــــــــــــــــــور طويل من الأصدقاء والزملأ ء والأساتذة
علي كل الأحوال أرجو الإحتفاظ بصفحتي لما يحصل أمر ربنا وتبقوا تبعتولي تعليقات فيها .. ومالكمش دعوه أنا حاأعرف أقراها أذاي ؟؟؟
بس ماتخافوش لما أحضر بروحي علي حد فيكم عشان أمليه الرد علي التعليق ؟؟؟؟؟؟؟

دمتم لي جميعـــــــــــــا قلوب تدق مع قلبي

ماما

زينات القليوبي

يا .. أخر محطة ف سكة سفـــــر
ف أول دخولنا ملاها القمـــــــــــر
ونص المسافة .. نسيتها النجــوم
ودب ف سمانا .. دبيب الخطـــــر

بيحلف بإن اللي جي مش كتيــــر
وإن اللي عدي بطول المسيــــــــر
دا كان إستراحة مابين الفصـــــول
وعزف البداية .. لمشهد أخيـــــــر

بلحظة ولادة بندخل .. ف مــــوت
بينسج مصيرنا بخيط عنكبــــــــوت
ونمشي ف جنازة بطـــــول الحياة
وأخر الجنــــازة .. نخش التابوت

زينات القليوبي

ست الكل
وأم الكل
زينة (أيامي وعمري
زينات القليوبي

بحبك
من أجلي ومن أجل كل من يحبك
تشبثي بالحياة طالما وهبها الله لكي أعلم أن الإكثار من ذكر الموت يرقق القلب
ولكنه يحزن قلوب من يحبك
فرفقا بقلبي
كفاني فقد لأم واحدة
ربنا يخليك ويمتعك بالصحة ومحبة رب كريم يفيض بحبه على من يصطفيهم
دمت بألف خير
انتصار عبد المنعم 

وإن ماتت كل المخاليق
أرجوك ما تموتش
لسانا في حارة مزانيق
بالغش تقش
لسالنا في الدنيا حكاوي
ياتعيش يا تعش
وهش كل الغناوي
أرجوك .. هش
وسيبلي كلمة في وداني
ما تكونش بغش
سلمت يمينك

ياااااااااااااااااااااااااااااه
لو أعرف إني غالية كده عليكي ياإنتصار
كنت أتمني أعيش ألف عمر علي عمري
عشان أحبك إنتي بس
عارفة ياإنتصار .. والله العظيم كلامك حضن قلبي
في حكمة بتقول
لا يعرف الحزن .. من له قلب آخر يدق مع قلبه
50 سنة عارفة الحكمة
بس لأول مره .. أعيش معناها ؟؟؟
وأنا بقرا كلامك
حسيت بقلب بيدق مع قلبي وبيسنده .. وبيسعده ..
قلب بيحبني لوجه الله
قلب ماخدش مني ولا حاجه
ولا يعرفني غير من خلا ل 3 قصايد في الموقع
يالله
ممكن ده يحصل ..؟؟؟
حاجه غريبه .. ؟؟؟
الظاهر ياإنتصار أنك عزمتي بحبك علي الوتر المقطوع
فرجع سليم تاني ؟؟؟؟؟؟؟؟؟؟؟؟

بحبك يا أطيب قلب

ماما

زينات القليوبي