زمـــــــن الصكـــــــــــــــــوك

زمـــــــن الصكـوك
محمد حسني

إلحق وخد حقك صكوك     ليرقصوك وينقصوك
للبيع ضميرنا وينصفوك     تاخد بكام ويقرطسوك
                إلحق وخد حقك صكوك
غلبان ياشعب يفرحوك     وبيسعدوك ولا يجرحوك
وان خدت حاجه يلحقوك   ويقولوا يعنى مال أبوك
               إلحق وخد حقك صكوك
تاخد هاتشبع م اللى فاض     ويقولوا خيرهم دا اللى فاض
مشغول بقى ولا انت فاض    تقعد تلم يبحترووك
               إلحق وخد حقك صكوك
متقاله من يوم الأزل         خيرنا ياعالم لم يزل
حتى دعاكم لو نزل          يطلع كمان ولا يسمعوك
            إلحق وخد حقك صكوك
اوعى تقولى مش هابيع     وتسيب بقى حقك يضيع
هى كده حتة وقيع           يرموها قال بيريحوك
            إلحق وخد حقك صكوك
تشبع وتتقمع ياواد       وتكون غنى وسط العباد
ريح ضميره بالمزاد     الأونه دورك ويبعوك
           إلحق وخد حقك صكوك
تبقى يامصرى قطع غيار    كبده وكلاوى مش هزار
لازم وحتما للكبار         هما يعيشوا ويشكروك
           إلحق وخد حقك صكوك

11/19/2008 - 14:29

محمد حسنى

القسم:

شعر عامى

اقرأ أيضا للكاتب:

الأستاذ محمد حسنى الشاعر والأخ والصديق
كعادتك دائما شاعر مجيد وقدير
وسيظل الزجل الفن الشعبى الوحيد القادر على التعبير عن هموم الناس، صعب لشاعر يمتلك تجربتك الشعرية العريضة أن نسمى زجليته هنا بأنها ردّة ولكنها الضرورة ، لكن للأمانة هى حالة راقية جدا من الطرح الزجلى الجميل المواكب للحالة التى نعيشها الآن
ولو أن مش مركز فى مسألة الصكوك ، لكن باسمع زى الناس
قصيدة جميلة فيها الكتير من روحك الجميلة التى أعرفها
أشكرك على التهنئة حبيبى الغالى ويارب ما يحرمنى من أخوتك أبدا،

حسام حسين

11/20/2008 - 07:57

صديقى الجميل
والشاعر المبدع
محمد
دائما ما تسبقنا بخطوه00 ودائما ماتحلق فوق اوجاعنا
زمن الصكوك 00 جميله 00 وفى الجون 00 هنيئا لنا
بالقصيده 00 وهنيئا للشعر والزجل بك 00
نور سليمان

نور سليمان

11/20/2008 - 08:23

أخى الحبيب حسام حسين

اشكرك جدا على كلامك الجميل الذى يشعرنى دائما بوجود الاخ فى زمن قل فيه
كل معنى للأخوة
وياريت يكون البوح بجد عجبك
انافرحان كتير باخوتك وسعيد بيها
محبتى

محمد حسنى

11/20/2008 - 08:27

اخى الجميل والشاعر الرائع نووووووور
وصديق عمرى
مرورك يزيدنى بهاء ويذكرنى بايامنا وذكرياتنا
وانا عمرى ما اسبق روحى بخطوة ابدااااااااااا
اشكرك من كل قلبى
محبتى

محمد حسنى

11/20/2008 - 08:31

الغالى أبو نور
صباح شريف يا محمد
أنت شاعر شديد الاحساس بهموم الناس
والله يا محمد نص بدون مجاملة جميل
ربنا يديم عليك ابداعك وتمتعنا
امال

آمال فتيحة

11/20/2008 - 13:36

صباح الحقايق .. اللي علي نوووووووووووووور
يابو السماح والنووووووووووووور
...
ماأروع .. أن تصفعنا الحقائق .. حد .. الإستفاقة
ماأعظم .. أن يصرخ الشاعر .. بأخر الأنباء المزعجة .. ليستفيق .. شعباً كاملاً
ماأجمل .. أن تنتفض يا( شاعر) .. كي ينتفض من ورائك .. كل من تم تغييب عقلهم
...
محمد حسني .. زجل ضارب في عمق الحقيقة
زجل .. واثق الكلمة .. عميق المعني .. شديد الوعي
مصر للبيع أولاً
والمصري .. للبيع
ثانياً
ثم .. ماذا
بعد ؟؟؟
ماذا بعد .. إذا سكتنا .. ونحن شعــــــــــــــــــراء .. الشعب
ماذا بعد .. إذا سكت .. المثقفون .. وتكلم الفاسدون
ماذا بعد .. إذا خاف أصحاب الحق .. وتجرأ .. المعتدون
...
لابد .. أن .. نصرخ
لكي .. نعيش
أو
نمووووووووت
لافرق .. هنا
سوي أننا .. سنموووووووووووت
بشرف
...
محمد حسني
أحني .. هامتي
لشاعر
يصرخ .. بالنيابة عن
شعب
في وجه .. الظلم والظلام والظلمة
في وجه .. الغربة والإغتراب والتغييب
في وجه .. الفساد والإفساد والتعتيم
بكل هذا النوووووووووووووووووور
إلحق وخد حقك صكوك     ليرقصوك وينقصوك
للبيع ضميرنا وينصفوك     تاخد بكام ويقرطسوك
                إلحق وخد حقك صكوك
غلبان ياشعب يفرحوك     وبيسعدوك ولا يجرحوك
وان خدت حاجه يلحقوك   ويقولوا يعنى مال أبوك
               إلحق وخد حقك صكوك
تاخد هاتشبع م اللى فاض     ويقولوا خيرهم دا اللى فاض
مشغول بقى ولا انت فاض    تقعد تلم يبحترووك
               إلحق وخد حقك صكوك
متقاله من يوم الأزل         خيرنا ياعالم لم يزل
حتى دعاكم لو نزل          يطلع كمان ولا يسمعوك
            إلحق وخد حقك صكوك
اوعى تقولى مش هابيع     وتسيب بقى حقك يضيع
هى كده حتة وقيع           يرموها قال بيريحوك
            إلحق وخد حقك صكوك
تشبع وتتقمع ياواد       وتكون غنى وسط العباد
ريح ضميره بالمزاد     الأونه دورك ويبعوك
           إلحق وخد حقك صكوك
تبقى يامصرى قطع غيار    كبده وكلاوى مش هزار
لازم وحتما للكبار         هما يعيشوا ويشكروك
           إلحق وخد حقك صكوك
.....
محمد حسني
تحية .. كبييييييييييييييييييييييييييييرة
لا ترقي .. لبعض .. من سطوع .. نصك
دمت .. شاعراً .. بالشعب
وناطقاً .. بوجعه
ومطالباً .. بحقه

زينات القليوبي

زينات القليوبي

11/20/2008 - 14:35

الغاليه المبدعه الشاعره امال بسيونى
صباحك هو اللى غير كل الصباحات
صباح معطر ومستنظر مرورك تفرحيه
زى مابيقولى فى الفلاحين عندنا
حسك فى الدنيا ويخليك لينا
مع كل تقديرى ومحبتى
محمد

محمد حسنى

11/20/2008 - 18:05

الرائعه زينات القليوبى
بجد انا اللى احنى هامتى لكي
لانك ودون مجامله نخلة عظيمة الثراء وغزيره بالعطاء
مهما حاولوا ان يقولوا او يغيروا معالم حقيقتك
هتفضلى على حرصك الدائم للعطاء
مش عارف اقولك ايه
بس لما شاعرة بحجمك يعجبها زجلى وانا من زمااااااااان
ماكتبتش زجل
انبسط جدا
ولازم فى وقت م الاوقااااات
نصرخ زى مابناخد الصدمه ونسكت
هاقول ايه
ربنا يخليك وتملى الدنيا حب وعطاء لابنائك
يا احلى واغلى الامهات على اولادك
محبتى واحترامى
محمد

محمد حسنى

11/20/2008 - 18:11

الجميل محمد حسنى
وجعت قلبى ياأخى
ولسه
ولسه
...
محبتى
مغربى

محمود مغربي

11/21/2008 - 07:03

أسعدتني جدا هذه الزجلية التي طرقت الحديد وهو ساخن تفاعلاً مع تمليك الشعب المصري صكوكاً في الشركات العامة ..واستطاع الشاعر الجميل محمد حسني أن ينكأ جراحنا جميعاً أقصد نحن المغلوبين على امرنا القابعين في قاع الحياة المصرية ...وأجمل ما في القصيدة الزجلية السخرية اللاذعة لاسيما في قوله ...اوعى تقولي مش هابيع ...وتسيب بقى حقك يضيع ..هية كده حتة وقيع يرموها قال ويريحوك ..
لقد أثبت حسني قدرته على التعبير عن هموم المجموع سواء بقصيدة العامية التفعيلية أو بقصيدة النثر وهاهو يكمل فرحتنا به زجالاً وكم تحتاج الساحة الأدبية الان الى من يكتبون هذا الفن البديع ....دمت مبدعا ياحسني
محمد عبد الحميد توفيق
شاعر مصري في الكويت
m_tawfek2000@yahoo.com

محمد عبدالحميد توفيق

11/21/2008 - 21:41

أخي محمد
تمنياتي بالتوفيق والتألق الدائمين
تحياتي العميقة أيها الشاعر
آسيا

آسيا خليل

11/22/2008 - 05:34

هو الكلام الحلو اللى ملضوم زى عقد اللولى ممكن يوجع؟
أيوه بيوجع
والدليل كلام الشاعر /محمد حسنى

" اوعى تقولى مش هابيع     وتسيب بقى حقك يضيع
هى كده حتة وقيع           يرموها قال بيريحوك
            إلحق وخد حقك صكوك
تشبع وتتقمع ياواد       وتكون غنى وسط العباد
ريح ضميره بالمزاد     الأونه دورك ويبعوك
           إلحق وخد حقك صكوك
تبقى يامصرى قطع غيار    كبده وكلاوى مش هزار
لازم وحتما للكبار         هما يعيشوا ويشكروك
          " إلحق وخد حقك صكوك

الشاعر الجميل المبدع / محمد حسنى
وجعتنى حتى الدهشة
دمت مبدعاً
ودام التميز حليفك إن شاء الله
ولك خالص تقديرى ومحبتى

سميح عزت

11/22/2008 - 20:51

الصديف العزيز والشاعر الجميل محمد حسنى
ودائما ماتكون الحالة أم اللحظة الإبداعية
فما يحدث حوالنا من توجهات وسياسات لاتخدم المواطن بقدر ماتخدم المصالح الكبرى لمن يخططون لسياسات هذا البلد مؤلم وجارح حتى النزف
وهذا ليس غريبا بالقطع على أبجديات العولمة التى فرضت نفسها فرضا علينا وعلى واقعنا وعلى مصالح الذين يحكموننا
وجعلت السيطرة الحقيقيه لمن يمسكون فى ايديهم بخيوط اللعبه
هون عليك أيها الشاعر فليس كل مايعرف يقال
وصدق من قال أحيانا يكون السكوت نعمة
محمود عبد الحليم

محمود عبد الحليم

11/20/2008 - 23:44

الشاعر محمد حسني
للشعر دوما صرخات عالية تؤجج في هشيم الروح نارا لا تبرد ولا تستكين ، ولطالما عبرنا بالشاعرية عن رؤانا بنبض متدفق يحمل لغة ثنائية الدلالة أو متعددة الدلالة ، وأحيانا أخذتنا مطية شاعريتنا لمعادلات موضوعية تفتح أبواب التأويل والاجتهاد
أما الشعر فيحفظنا في جدوله رصاصات قاتلة موجهة لا تحتمل إلا موجات الغضب والتصاعد المثير حينما تجد هدما بمعول صديء في جمال يراه الشاعر ويبتغيه متكاملا بعيدا عن القبح
شاعرنا الكبير ، أنت تمتلك الشعر والشاعرية ، وتمتلك معهما أن تجعلنا في ذهول حينما نقرأك
شكرا لك

د. محمد ربيع هاشم

11/27/2008 - 22:26

استاذ / محمد
إيه يا عم اللى بتعمله فينا ده
بالراحة علينا شوية يا عم محمد
تحياتى

محمد رمضان هدايه

12/06/2008 - 08:42

اخى الحبيب محمد
اسف على تاخرى فى الرد عليك
وانا عمرى ما اعمل حاجه تزعل حد منى ابدا
لك كل الحب
محبتى
محمد حسنى

محمد حسنى

12/11/2008 - 18:47

اخى الحبيب محمد
اسف على تاخرى فى الرد عليك
وانا عمرى ما اعمل حاجه تزعل حد منى ابدا
لك كل الحب
محبتى
محمد حسنى

محمد حسنى

12/11/2008 - 18:47

إلحق وخذ حقك صكوك
حيطلعوك وينزلوك
ويجرجروك ويرجرجوك
تقول أنت عملتها مش بس هى
وتعترف بألف سرقة واغتصاب
ولو ماقلت يفرجوك
ويشرشحوك
ويسحلوك
ساعتها كان احسن ياواد
بدال بهدلة الكرامة
تطاطي لشوية لمامه
وعلشان ماتنول السلامة
تهرب ياواد
قبل ميطلوك ويبهدلوك
وقبل ماتهرب ياصاحبي
لم كل اللي فاضلك
لو كان حبة صكوك

الشاعر الجميل محمد حسنى
رد كيبوردي عجيب
وكاني اصب الماء فوق العطر
شكرا مكتوبة على الورق وعلى الصكوك
ربنا مش بس يخليك لوحدك
لأ واللي خلفوك
هههههههههههههه
مودتي واحترامي

صابرين الصباغ

12/14/2008 - 01:02