الورشة

الاستاذ / محمد حسنى
جميله هذه الحاله المركبه
وجميل جدا نهايتها
احييك اخى الكريم رغم انك خبيت الشيكولاته

اخى العزيز أ/محمد اشكرك على هذا الثناء واوعدك انى اعمل حسابك بعد كده ف الشيكولاته وغيره وشكرا على التعليق

عايز الطوق و البحر يتحملوك؟؟؟؟
اذا كانت بلدك ما اتحملتش تشيلك!!!!!!!
الغربة يا محمد في الوطن صعبة
و لما تسافر و تسيبه ...... برضه صعبه
لكن الأصعب ان الوطن نفسه يسافر و يسيبك

الشاعر والصديق الرقيق محمد حسنى
مش عارفه ليه بدخل نصوصك ماعرفش اخرج
كمان مابعرفش اتكلم فيها  او عنها
كل اللى اعرف اقوله بس انى عملك   دخلنى وماعرفش  يخرج    
صدقك العالى وعمقك وخبرتك ف الكتابه  بيمسح الكلام وبيفضل الشعر والشاعر 
هوه ده الشعر الحقيقى
جميله قوى يا محمد

الشاعره الرائعه سيده
ان كان للنصوص ان تأخذك ولاتعرفى اى باب للخروج فهذا جميل
ان تستحوذ على شاعره جميله مثلك لها خبرتها وصوتها المتميز فى وسط هذا الزخم
الشعرى
هذا فى حد ذاته نجاح
محبتى
محمد حسنى

المبدع الجميل
الصيق الذى غافلنى
فى هذا المساء الجميل
والهواء جاى من بحرى
من عند شيخ المبدعين
عمنا الحلو
محمود عبد الحليم
فأقتحمت قلبى بلا جواز سفر
بلا تعقيدات ، بلا متاريس 
الصديق الشاعر الجميل
ابن السواقى 
ابن المياه المتدفقة    
ابن الخضرة اللامعة
بوشوش ناسها الطيبين
الشاعر الجميل / محمد حسنى 
"أهاجر فى خوفى ، وضياع كل ماسافرت من أجله 
سرت ، الأرصفة تمتد أمامى بامتداد الصحراء ، لا 
بداية .. لا نهاية ، توقفت بعد أن هدأت زمجرة 
المطاردين من خلفى 0وجدته يأتى فى الاتجاه المضاد
ضاقت المسافات فى التواء نظراتى ، ونظراته الثاقبة
كان يضحك بوجهه الطويل ، ووجهه يطول ويطول 
يسد الطريق علىَّ ، وفى يديه سكين طويلة 00 طويلة
تتدلى منها رأسانا0)0  
من نص : الرحيل فى بحر الاشتهاء
من مجموعة مرايا الرحيل 0
وتنزل ف عز القهر
ماسك فى ايدك جواز سفر والأيام الجايه
وحتة شيكولاته خبيتها من أخواتك لما اتكاتلوا عليها ساعتها
ما يستحملكش الطوق ولا البحر
ويحاولوا يطلعوك ما يتعرفوش عليك الا بحتة الشيكولاته البيضا
كم أسعدنى تعرفى على مبدع أدخلنى جوه عمق الحالة ، وهو
يمسكنى بقوة حتى لا أغرق لأنى منذ البداية التهمت حتة
الشيكولاته البيضا ، فمن سيعرفنى إذا غرقت فى متاهات
الحالة ومثلى لم يتعلم فن العوم 0
أهنئك كمبدع يشعرنى بوجعى حتى أنزفه 0
والنبى السلام للصديقين المبدعين
أحمد عمر طوسون ، والصديق محمد يوسف
اللذين لم التق بهما منذ سنوات بعيدة ، ربما
ضاعت ملامحى فى ذاكرتهما
لكنى أخبئهما فى مكان ما فى روحى
فقد التقينا مرة واحدة بدار المدرعات
وقد كان العشاء على الموسيقى العربية
وسوف أسرد عليك عن موقف حدث لنا
ولكن عبر إميلك الخاص حتى لايضحك علينا
الأصدقاء بالورشة ، ثم أسرده عليهما
لحظتها سوف ينفجران فى ضحكة طفولية
طويلة 0
محبتى 
أخوك 
فتحى