الورشة

شدهه بيدي
! فنها تفلت من رسنها
لو زعل دمي أبوريدي
شدهه بيدي!
خل تدگ حافر وتلكد ليك أردنها بحديدي
آنه دكيت أعله رجلي من ألوكت بسمارعيسى
رمح واكف وألوكت حمله أعله جيدي
آنا جلدي أنتفخ لچفوف ألزمان
شما تدگ فوك ألجلد يرگص يزيدي
شدهه بيدي
خلها ألاعيون ألوكيحه أتذب ثكلها
أنا الها
لووگف شعري أعله حيله ثوبي يستشهد
ودمي يظل نشيدي
أنشد آخر عتب من ذب ثوبه ليلي
هذبت خيول القصيده وكل حرف بالدم أويلي
وأنشد آخر عين من ذلتها عازه
طبگت أعليه ألسيوف وعالعلم واگع عضيدي
چانت أزنوده أعله حظني وچان دمهن عرس بيدي
ونزلت آخر دمعه بخدودي شعار
تگول كل دم ثائر يظل انتصار