الورشة

دكًـ العظم عرس الوجع
من غازل ابليس أم حجل
غض ياجفن لاتلتفت
لايشرب الخوف الكحل
نهرين من نفس الجرح
بزن الموج إعله البزل
حد ماخدر هرش الكَلب
صك الملح حدر الشتل
فتلن الساني بخوصتك
مثل الوشيعه التنغزل
كلشي وكَلت سهلة وتمر
بس لا يكف ثوبه النذل
شفت الذنب كفرة عطش
شفت العطش نخت هزل
وحشة وصفيت بهيمتك
خزرة وتذل عين التذل
شاخص صرت لمناشبك
رشكَ المطر صار النبل
ترس النحر كلهن إجن
جالزركَن ابنحر الطفل
هلبت تركت مراشكَك
وعن نحري واحد لويزل؟