الورشة

عْشْقتْ ذاتْ بْلا ما نـْـــرَى
بْالْوانْ لْلْعينْ سـَــاحْـــــرَة
تـْـخيـلتها بْالزِّينْ باهـْــــرَة
عْشقـتـْهــا كْالـْـحَيــــــــــاةْ
وْ أنـا نَتْأمّـْــلْ خُطـْـــــواتْ
وْشْلاّ طُــرْقــانْ تْمسْحــاتْ
وَانا تـايـْـهْ فى فـْــــــــــلاةْ

الْبَاقْيَــة هِيّ َالِّلي رْسَمْـــتْ
فىْ لِيلَة زاهْــيـة بْالسّفـْـــرْ
ساري بيـنْ اكـْوامْ الرّمـْــلْ
خَـلـْـواتْ وتّايْهَة عْلى الدّوامْ
الرّاحْلـَة عْلـى ضْـيّ ْ لَبـْـــدْرْ
كنت انّاجي سّاكْنْ الـدّخـَـالْ
اعْشـيــري دايْــمْ بْـلاَ غْـــدَرْ
دّاقْ فِــيّ َاوْتـــادْ الصّـــبْــــرْ
ومْخَلْخَــلْ راحْتــي بْـــلا عْدَرْ
رَابْطْني بْشْريطْ اقــْنـَـــــــــعْ
وبْــدومْ لـَقـْـنـــاعَة فاتـْــلـُــه
طّايْــعْ ليهْ بْالرّضى وُالسّمــَعْ

وْلَمّا طْلَعْ النّهارْ...
عْـساكْـــرْ لـَشْـبــــاحْ رْحْلاتْ
شْطـّـــاحْـتْ الرّمــالْ رْســّـاتْ
وُالـــرّمـــالْ الّلــي ْرقـْـــــداتْ
مـنْ تَحْـتْ اقـْـــدامي اقــْــداتْ
عْـيــوني سـارْحَـة بْـلاَ حْصْـرْ
ما جْفـْــــلاتْ مْنْ مــْدّ ْالنـّظـْـرْ
وَ لاَ قــَـنـّـْعْـها مـَاحـَــــــــــاطْـْ
حـْـتـّى شـافـْـتـْـني فْـْـالـَـبْسـاطْ
كِيف نـَـبْتـَـة تـايْهَــة بْــلاَ جْـدرْ
وجْدَعْــهَـا يْقـْـطَـــعْ كُــلّ بْــــرّ
وشافـْـتـْـني قـُطْـرَة فــىْ بْحَـــرْ
هْــرْبانَــة مْـنْ جورْ الصّخَــرْ
أنَــا النــّاعــورَة الــدّايْــــــرَة
الِّلي ْرسْـمـاتْ بْصْمَغْ التّبــْـرْ
بـَـسْمَة وسط قــَـطْـرانْ لَقـْهْرْ
ُفـوقْ الاَلــْـفْ بَـابْ وُ اكْـثـْـــرْ
فْـالتـّـوايْــحْ وْحايْــكْ السّرابْ
بْريشْ لاَشْفارْ وْ دَمْعْ لاَهْدابْ

وْلـَمّا بـْعينْ الصّـوابْ...
شْـفـْـتْ لـَـفـْيافي لـَعْـفـا مْنـّــْها
مْــنْ ضيقْ الـْحـيطـانْ سَــالـْبَة
مـنْ خــْـزيـرْ الـْمَعْـيانْ حَاجْـبَة
عْـشَـقـْـتـْـهــــا سْــــــــرابْ...
وعْـشـقـتـْـهـا عْجاجْ وُ ضْبابْ
اوْفـــيــنْ وُدّاني الـمُـكـْـتـــــابْ؟
فـى كـْـفــوفْ زْمانْ طـــٌـوّاحَــة
شِــيـّـْــراتْ ِبــيّ لـُـــــّواحـَـــــة
جـابـْــتـْــني فىْ طـيــنْ واحَـــة
بْالرّحْـمــَـنْ طْـيـورْهـا سَـبّـاحَة
اغـْـطَـسْـتْ فىْ الرّبيعْ لـْـقـَـاحَة
بـيـنْ لاَطْـْـيـابْ نـْـبَـتـْـتْ شْجْرَة
وجــــدتْ لـَـهــْـنـا وْالــرّاحَـــــة
جـَـــارْ للـوُرْدَة وُ الـــــزّهْــــــرَة
فىْ حَــــوْزْ الـْحَـنـّـة وُ الـرِّيحـانْ
بيـنْ تـْـفــّــاحَـة وْ نـَـفـــّــاحَـــــة

وعـشـقـتهــــــا بـْــالـــــــــــوان..
عْشَقـْـــــتـْهـــا خَــضْـــــــــرا...
وعْشقـْتـْها حمــــــــرا وْصفـْرا
وبجـميـــع لالـْـوانْ.....
وعْــشـقـْتـْها بْذاتْ طـْويــلــَـة
وَانـا نـْتـْأَمّــلْ فـْـالــزّمـــــــانْ
..الـْـمَســافـاتْ و الطـّرْقـانْ...
رْجَعْــتْ نـَـنـْـظْـرْ فىْ لـَحْجى
وْ نـَـتـْــأمّـلْ سَاعـْة ْ الـْـفـُرْجَة
عْـشْقـْتـْهـا بْـــذاتْ قـْـصيــرَة
قـْيَــاسْـها حْــيـاة ْ إنـْـسَـــــانْ
عْشقـْتـْها فـْالكونْ وْ الاكْوانْ
عْشقـْـتـْها فىْ دُنـْيـا رْزينـَــة
مــايْـهــزّهـا رْجّـــــــــــــــانْ
فىْ افــْـراحْهــا وُ جـْـنـونـْهـا
فىْ هْمـومْهـا و جْـنـُـونـْـهـــا
و فى جميع الطرقـانْ

عْشَقـْـتـْـها فىْ الْحَــــــــيَـوانْ
شْفـْــتْ الـْـفـكــْـرونْ الزّاهْــدْ
الشِّـيخْ الـْـعَـاكـْـفْ فـالخلـْـوَة
فى قـْنَاعْتُه وْ رْزانْتْ الْخَطْوَة
وَلاَ يْهَمّـُة زْرْبان...ْ
عْشقـْتـْها مْدونْ عـــــامْـرَة
سيسانــْـها الاِنـْـسـان
عشقـْتها فيْ حْصونْ شامْخَة
بتـَـقــْـوى وْايـمَـــانْ.
عْشقـْتـْها فـْسْجونْ حابْسَة
اتـْباعْ الشِّيطان...