الورشة

ليل بارد جدا
واقف علي جبل الحزن
بيضحك
ويعبي زوايا الطفل
بنبت شيطاني
وخوف نضاح
- علبة مناديل من فضلك
قلبك بيشع بياض
وغريب بيساير
ضد المعني ف دم الليل
يساقط مبني للمجهول
وطلاسم حداثية
للوش المكسور
اللا حاضر
إنشاد الذات ف ساحات اللهو
- اتفضل
مع هبة ريح
عيل بيشاور من نص الليل
للقاصد تفتيش الروح
تتفتح
للذكري دفاتر بلهاء
الساعة اتنين
يسقط بندول الذات
القابض علي جمر الشهوة
ومعاند أحفاد الشياطين / العزل
- وحدك بتمارس موتك
طفلك يواسيك
الدم بيصعد من سلم خلفي
ويخبط ف السقف / الغيم
- هتمطر
- يمكن
تنزل جمجمتك ع الأرض
وترمح قدامك
تسبقها
فتخش حشاك
شلة شياطين م الأنس / الشعرا
تتبدل أنماط
ف عروقك موت بيقاوح ..
رغباتك
ف القلب حياة
- الباقي
- شكرا
وحدك بتمارس موتك
وبتدخل لمداه
الساعة اتناشر
كان نعشك خالي ..
بيضحك ..
علي شلة شياطين
ساحبينه وراك
وأنت علي ناصية شارع تاني
بتفارق ...
واحد
ج
ا
ي