You are here
قعدة عرب
قعدة عرب
محمد حسني
وفرشت قلبى ع البساط
وزعت منه ع الجريد رطب الكلام
والشوك بيتقاسم معانا كل شى
تراتيل حبيبتى للبلح وقت الحصاد ايه
وضلايه بنقعد فيها ونغنى
نشد البسمه م الطينه بتجرحنا
ولما تشدنا الدمعه بنضحكها
لان الكون صبح مدهون بلون غامق
ماهوش فاتح شبابيكو على البحرى
لذلك نفرش القعده بكام ضحكه
نغير مية الجوزه ونتقاسم مع الغابه نفس واتنين
نفس واحد
وكانت ميته صافيه بلون عينك يانواره
وكات الساقيه هداره لكن القلب من حيرته
ماكنش بيسمع الاهه
وكات الميه بتغطى على الدمعه وبتوطى
على الضحكه تبوس ايدها
ويتواعدوا على تكريس معالم كل اياتك
ليوم تانى نكون فايقين
نفس تانى
وفيه القعده مدهونه
بضحكه صفرا ع الشفه
وكات خفه بتتعاجب بتقول الليل
تبات ف الحضن تتقلب
وتضحك لما نديها نفس غامق وبتهلل
دا بكره العيد
لكن بكره معاندنا
ماهوش عايز يكون صوره من امبارح
وامتى بس هنعيد
ونلبس هدمة الزفه
نعلق كل احلامنا على شيشك على شعرك
كا حبل غسيل
نفس تالت
وكنت تعبت م الجوزا
لذلك بانوى ترحالى عن القعده عن العيشه
عن الدنيا
اشيل الهدمه والكشكول
وانوى التوهه ف ترابك
على بابك الاقى السكه مقفوله
تكنش الناس دى مسطوله وانا لوحدى اكون فايق...؟
سؤال ف دماغى مش محلول تعب قلبى لكتر القول
كلامك مش صحيح خالص
يقولوا الناس
دا واد مسطول
نفس رابع
لقيت الدنيا دوارهوبتغير كما الحربايه الوانها
تتوه ف الجو ضحكتنا ودمعتنا مابتهش عن الخدين
ونتذكر كما الاطفال
ليالى اللعب ف الشارع
ونتمنى نكون وياكوا ف اللعبه
حجارتنا هنرميه على الدنيا ف وش الليل
ونطلع نمشى ف الشارع
ومانخافشى من السكه
- كلاب السكه مسعوره
هانرميها بكام كرسى
تخاف تنبح
ولو تنبح ولو هتعض
وايه راح تعمل العضه
ف جتتنا
ف تفكيرنا
مادمنا ع الطريق مساطيل
اخر نفس
مسطول تعب
خرمان لحضن مخدتى
شدانى من بين انسجامى ف سكتى
ياجثتى.....
بكفايه احلام ف الحياه
بكفايه تزويج الورق لحروف كلام
فضيها سيره من حكاية اصلنا
ياعزرائيل الموت ماتقطع فرعنا
اصلب كلامى ف السما
واصلبنى وسط الارض
اتحدى الكلام
افردنى ع البحر اغسلونى ع الشطوط
من كل بشرى للنجاه
احكى لى عن قصص الاله
يادى اللقا
ف خروجى من جلدى حيله
ودخولى من باب السما
تشهقنى قولة آ000ه
ادبل واقابل كل شىء
ف
س
ك
و
ن
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
التعليقات
لم تكن قعدة عرب ..!!
ومش مجرد نص بينقرى بين النصوص ..!!
ولاحبة أنفاس بنشدها من شيشة الوجود بانسجام ..!!
ماعادش فيه الإنخراط فى قعدة أنس .. ولا فيش نفس ..!!
من أول نفس .. ولآخر نفس والدنيا مش هى ..
ماتقولش ليه إن الحياه بكل أحوالها سطل ..
والعقل غاب من وطأة الحال الفظيع ..
اللى إحنا فيه كلنا ..
*****
الحبيب / محمد حسنى
نصك الجميل شدنى .. وكأنى أخر نفسى باتنفسه
وكإنى وياك فى الكلام
وف كل سطر وكل حرف بتكتبه ..!!
ماتقولش ليه شيشة الزمن هى اللى شاربة دمنا ..
وان الحشيش اللى انت كنت بتشربه ماهوش حشيش ..
لكنه يأس وخوف من بكره اللى جاى ..
لكن ياصاحبى
مش إنت بس اللى بتعانى من كلاب السكك ..!! ..
لسه الأمل موجود .. وحاتيجى صاعة الخلاص .. ونعود كما كنا زمان ..
لسه قدامنا كتير ..!!
ولسه الرسألة مانتهتش ..!!
خلينى اقراك من جديد ..!!
وكفاية إن السطل اللى إنت بادره ع السطور ..
فوقنى ياصاحبى العزيز ..
ورجعت اقراك من جديد ..!!
محمود عبد الحليم
افرح حينما تكون أول المصافحين لنصى
واسعد بكلماتك التى تعطى لى دفعه قويه
لكى اكون كما ترغب وكما تريد
انت رائع ياعم محمود
ولك منى كل الحب والاحترام
لقيت الخال حسنى
ماشى
وحده
مسطوووووول
حزنان
بيفكر
ف رشدى أباظه
ويا ساميه جمال
والبنت
الحلوة ع الناصية
واقفة
تدندن
غمزت لها
بأبتسامة رايقة
ماكرة
ضحكت
البنية
السهتانه
وعمنا حسنى واقف
لسه
متوووووه
جريت ع البنت
لقيت عمنا هارون الرشيد
سهانى
وسبقنى
طوى البنية ف عمامته
وراح بيها ع ستلا
الشاعر الجميل
محمد حسنى
ليه بتفوقنى يا عمنا الحلو
ما كنت تركتنى على قارعة الحلم
بدلاً من كلاب السكك السعرانة
اللى بتعض
محبتى
أخوك
فتحى
كعادتك دائما تسير على منوال السهل الممتنع .. وبدون أىتعقيدات وهذا فى حد ذاته دليل كبير وواضح أنك شاعر بمعنى الكلمة وصاحب تجربة شعرية عريضة
كان نفسى أكون بأقدر أعبر عن كل شيئ عجبنى فى القصيدة
لكن كفاية أنى استمتعت بقصيدتك النهاردة
قصيدة أخرى جميلة تضاف لقصائدك الجميلة والمتميزة
شاعر أنت بحق
تحية لإبداعك ولعمقك
آسيا خليل
ياشاعر .. ياكبييييييير
قصيدة
ولا .. أروع
تحتاج لوقفة طووووويلة .. من التأمل
والآن .. السادسة صباحا
أمني نفسي .. بالحياة
ليوم آخر
كي .. أوفيها حقها
إن شاء الله
جدة نور
زينات القليوبي
يا اطيب قلب واحلى ام
ومش عارف اقول ايه
الا ان انتى مش جدة نور
بس
انتى ست الكل
وست الحبايب
ومعانى تانيه كتيره
بنشوفها منك ونتعلمها
ابنك
محمد حسنى
القراءه واحساسك بها
مع فرق اللهجه المصريه
انتى دائما
شاعره رائعه ورقيقه
لك كل التقدير
محمد
اشكر اطرائك ومدحك وياريت اكون عند
حسن ظنك دايما ياحسام
انا بس مش استاذ زى مابتقوووووول
انا رفيق درب معاك ياحسام
وبنسند على بعض فى زمن صعب جداااا
ان الواحد يلاقى فيه صاحبه العكاز دلوقتى
انت بجد جميل الرووح وعكاز لكل اصحابك
وحبايبك
صاحبك
محمد
اشكرك كثيرا
انك بتاخدنى من ايدى وبساطه شديده
ترجعنى لاول مره احس بيها بعوالم
بتعيش جوانا
وفضاءات لا يمكن بحال من الاحوال
الا ان تكون لنا
لك حبى وصداقتى وقلبى
محمد
انت اللى عرفينك وطن
وصبرنا لما كبرنا فيك
علمتنا معنا السكن وزرعت فينا
الخوف عليك
ف لو سمحت تقول لما بتجيب خروفك دي منين
ابنك وصديقك محمد شاكر
اعلم ان نصك هذا قديم ربما جاء فى بدايات تجربتك الشعرية
وهذا مايوقفنى عن ان أبدى فيه رأياً ينحاز لثقتى بشاعريتك وخبرة الكتابة لديك الآن
لكن دائماً مانجد جديداً حتى فى كتابات مراحلنا السابقة
وارى ان بناءك لهذا النص جاء موفقاً وذكياً وربما كان اروع ما فى النص
محمد ... ربنا يجرفنا الحنين لنصوص تحمل لنا معان وذكريات وهذا مشروع
لكنى أرى ان هذا النص فى إطار تجربة محمد حسنى الشعرية
يجب ان يظل إرهاصة قديمة لكتابة تجاوزته وتجاوزت تقنيته وطرحه
ولا ارى انه يعبر عن شاعريتك ولا عن وجهها الحقيقى البهى
ولتسامحنى إن تجاوزت فى هذا الرأى
ودمت مبدعاً مفارقاً كما انت
مودتى وتقديرى
ولكنى دائما كما قلت احس بالحنين الى الارهاصات الاولى فى اعمالى
لكى اضع كل ما تم انجازه امام اصدقائى واحبائى الذين اتعرف بهم على الورشه
وكى اكون منصفا هذه وجهة نظر لأن معظم الاصدقاء هنا اتعرف بهم واقراء لهم
واحب ان تكون اعمالى الاولى ملك لهم ايضا
وانا صديقى العزيز اشعر بحب شديد من بين سطورك
وغيره على اعمال صديق ايضا نادرا مانراها فى هذا الزمن
انت رائع اشرف واعرف انك تعلم ان كل النصوص ما هى الا ابناء للشاعر
وننظر لابنائنا بحب ولا ننكرهم مهما كانت الظروف
وانا ارغب منك صديقى الحبيب ان تنظر للنص مفرد وليس للنص على كونه
ينتمى لاسم بعينه ويتم هنا ظلم النص افترض انه بدون اسم
وتعامل معه وقل له ماله وعليه ماعليه
لانى حينما اطالع نصوص على الورشه اتعامل معها على ادواته وفنياته
ولا انظر لمن كتبه ومن وجهة نظرى ايضا ان لايتم النظر لأى شاعر ومعايرة مشروعه
الا بعد اكتمال الدايره الابداعيه له ولا تكتمل الدايره الا بالرحيل
وعموما لسه باجرب ياصديقى العزيز ولم اصل بعد لشىء من كل كلماتك الرقيقه
التى تعطى لاصدقائها كثيرا من الحب
لك حبى وتقديرى على الدوام
محمد حسنى
الواحد يعنى يقول ايه
مانت بتاخد قلب الواحد وبتجرى بعيد
فبيرجع دايخ وحزين
ع الايام والعمر
وقعدتنا هناك
يعنى هقولك ايه وانت بتكتبنا بقلبك
دلوقت وحتى زمان
شوف انا هسكت احسن
الواعي في غيابه
القادر علي اخراج جماليات من الاشياء البسيطة
الذي يحول اشياءنا الضغيرة لمعاني سامية
تحياتي
علي نصك الرائع
صديقك وتلميذك
عيد
وانت عموما زى اسمك فى كل حاجه
واتمنى ان اكون دايما عند ظنك بى
محبتى
محمد
كل حاجه دايما تفلسفيها كده
وتخليها ليها طابع حزين شوى
عموما حتى وانتى ساكته
سامع كلامك ونقدك
وانتى فعلا رحلة عمر جميله
وستستمر
الى ان يشاء الله
محبتى
محمد
لما يتدلع كده
من كل حبايبه
انا فعلا فرحاااااااااااااااان بيك وبشغلك
وكمان بتفرحنى بتعليقاتك
اخوك الصغير
محمد
ذكرتني بسنوات التوهج والانطلاق والرحلة المقدسة في بهو الشعر ، قصيدتك قعدة عرب التي حين كتبتها على ما أذكر منذ ما يقرب من 17 عاما وقابلها النقاد بترحاب كبير ووضعت بها قدما واثقة في رحلتك الدؤوبة مع الشعر ، أذكر حين قرأتها في ذلك الحين أنني شعرت كم هي قصيدة متوهجة متحركة متفاعلة مع زخم نفسي مكتمل ، تشي بإمكانيات شعرية متدفقة ، قوامها الشكلي ينسجم انسجاما كبيرا مع ما تبوح به من صرخات متتالية من الرصد للواقع ، تتوهج بألق الحركة وتنحاز أحيانا لنشيج ساكن جميل حين نجد من ورائها عقل يفكر ويتدبر ويرصد ويستخلص من هذه القعدة
صورها الشعرية تحمل طزاجة بل وأرى فيها بعض الإدهاش المثير ، ونسقها الشكلي يسير في تصاعد نحو الحدث الذي تتناوله حتى تصل في النهاية لنظرة فلسفية متعمقة جاءت موظفة تماما في نسيج القصيدة فلم تنحو أبدا نحو الانفعال
أراها الآن بعد مرور هذا الزمن الطويل في مشوارك وعالمك الشعري علامة بارزة ومهمة جدا ،أقرأها اليوم لأجد فيها تجدد واكتمال ، وتنفتح معها زوايا رؤية اخرى جديدة وهذا شان العمل الملهم الذي يظل مهما مر عليه الزمن متألقا وجميلا
ولم يكن غريبا أبدا أن تظل قعدة عرب من العلامات الشعرية البارزة في مسيرة محمد حسني إبراهيم الذي يكتب ببساطة شديدة ورائعة ولم يكن كثيرا عليها أن تحوز المركز الأول على مستوى جمهورية مصر العربية في شعر العامية في ذلك الحين لأنها بالفعل عمل متجاوز ومدهش.
شكرا لك ولما بعثته فينا من تذكر لهذا الزمن الجميل
لك وانت تعلم كل الحب ولك ايضا ذكريات جميله اذكرها كلما مشيت فى شوارع المدن المختلفه التى ذهبنا اليها سويا وبعض المفردات التى ان ذكرناها تذكرنا ايامنا وكذلك بعض القصايد سواء كانت لى او لك
انت رائع يادكتور فى كل ماتكتبه عن اصدقائك وتذكرهم بما تم من عمل
ايضا رائع بودك وقلبك الدافىء الذى لا ينسى حنينه لمرورنا هنا وهناك
لك كل الشكر على تذكيرى وان كنت لم ولن انسى سنواتنا الاولى معا
لك حبى
محمد
تالت
رابع
وكأن السنين بترجع
وننسي دوامة شقا
اجمل ليالي الهوي
انت اللي راسمها
ف قعدة عرب
يا ابو الكلام موزون
يا ابو القلب طيب
حنيت لهالة نور
علي كفوفك بتتوضا
فسامحني لو عديت
كل الحدود وياك
انت اللي صدرك وسع
كل الاعادي سامحت
فما بالك باللي بيندهك
ويقولك بكل وضوح
انت الملك
علي عرش القصايد كلها
،،،،،،،،،،،،،،،،،
بكل ود
اخوك صبري رضوان
حسيت ساعة ما فرشت قلبك ع البساط انى قعدة جنبك
قد ايه النص ممتع دمت مبدع واسفه للتأخير
امال
فى كل ماتقومى به وهل يصح ان تأسفى على
شىء مجرد دخولك للقصيده هو حب منك لابنك ان سمحتى
لى بهذا
فانا اجدك دومااا حنونه ورائعه وتمتلك مشاعرك قلب أم
لك التقدير والأحترام
محمد
انت زميل طريق ورفيق درب وجرح وفرح
واكيد فى ف اللى فات كله حاجه تخليك تدينى اكتر من حقى
وان كنت يوم عشتها لحظة حياه وياك
يبقى رغيف واتقسم بينا وكنت معاك
لك الحب كل الحب
محمد
آخر نفس
أروع نفس
أحييك بجد
علي ما في هذا المقطع من جمال
تحياتي
دمت أخي
شعرك حلو والله
شعر معجون بماء الروح
لكن اختلف معك فى أن
هذا الجزء
الذى جاء فى بداية القصيدة يختلف وزنيا وعروضيا عن باقى القصيدة
وفرشت قلبى ع البساط
وزعت منه ع الجريد رطب الكلام
والشوك بيتقاسم معانا كل شى
تراتيل حبيبتى للبلح وقت الحصاد
كما ان كلة إيه
بعدكلمة الحصاد لم افهم معناها ربما كانت خطأ كتابيا
لكن العمل فى حد ذاته راقنى
وكذلك راقنى قى ذات حده
وبيقولك واحد ميكانيكى سيارات دخل فرح لقى الناس كلها بتنقط
قام هو نقط زيت
حلوةوالله
من المؤسف ألا يحترم الشاعر الشعر، ومن المؤسف جدا ألا يحترم الكلمة، ومن المؤسف جدا جدا جدا ألا يحترم القارئ، فيصدر منه تعليقا على قصيدة مزيلا بنكتة، للنكات مكانها يا أستاذ عزت وأؤكد لك أن الورشة ليست مكانا لها ولن تكون مهما كلف الأمر...
إدارة الورشة - د. أحمد يحيى
اشكرك
على مرورك اولا
وثانيا
فعلا كما قال د احمد يحيى للنكات مكانها ياطيرى
ولا تحاول ان تقوم بدور المضحكاتى مرة ثانيه وانت داخل نصوصى
لانك بتكتشف ان الضحك مالوش مكان فى الورشه خالص
واتمنى على د احمد ان يقوم بعمل باب للضحك ان كان ولا بد
ومره واحد حب يستخف دمه
طلع طيرى
جاهزة وبتنادي العرب
بس العرب مساطيل
يامين يصحّي العرب
يوزن دماغ إتقلب
وينوَّر القناديل
باقولك إيه
رص وناولني
تحيلتي
حازم حسين
لك الاعتذار عن تأخرى فى ردى عليك وشكرى لك على المرور
لكن انشغلت
لك الاعتذار
ولك كل التقدير على طلتك
مع خالص تقديرى
محمد
لك من قبل اى حرف اعتذارى عن ردى عليك بسرعه
لكن مجرد دخولك الى نصوصى يسعدنى
فما بالك وانتى تبوحى اكثر مما اردت البوح به
انتى رائعه فى طلتك ودخولك للنص
تقبلى كلى تقدير
وخالص الاحترام
محمد
اشكرك
على مرورك
وعلى رصك معايا
لك الحب