You are here
كليوبترا
كليوبترا
آمال بسيوني
داروا عيونكم... واطوا الروس
لجل حفيدة... بطلميوس
كليوبترا
لا بلمعان التاج فوق روؤسنا
ولا بجيوشنا ولا بحرسنا
ولا بفلوسنا يا عالم سوسنا
انما بنفوسنا
احنا نبغنا
مش اتبغبغنا
احنا فلاسفة
وعلما
وحكما
ونيل
وأطبا
واحنا كمان
عشاق واحبا
----
يا كليوبترا
كان ياما كان
كان فى الامكان
يحكم مصر
يونان ورومان
بس فى عصرالخصر الناحل
وبحور العين ام مكاحل
غرق انطونيو على الساحل
كل قلوعة وقال مش راحل
لجل عيونك... لجل جنون الناس
بشجونك
تتهز قياصر واباطرا
يا كليوبترا
يا....؟؟؟
09/12/2009 - 22:01
القسم:
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
التعليقات
لم أشأ الرد هناك على تعليق لكِ ذات مرة
ليس تجاهلا ولكن لأنني أدرك أن الجدال في أمر بديهي لا يجدي كثيرا
أما الأمر البديهي فهو أنني أحترمك وأقدرك وأسعد وتسعد الورشة كلها بنشر عمل لكِ
غاية ما في الأمر أنكِ مقلة في الإرسال بشكل ما
وربما بحثت كثيرا في مرسلات الورشة كي أجد النص المنشور الآن
ولم لا يكون هناك أكثر من نص مرسل؟
أليس ذلك أفضل كثيرا حتى يكون التواصل مستمرا؟!
استاذتنا
خالص حبي وتقديري
وتهنئتي بالشهر الكريم
وفي انتظار تواصلك الجميل دائما
فأنت تعلمين قدرك عندي
....
كل عام وأنت وأسرتك بخير
وعساك من عواده
موجودة فى الحياة بدور على حضنكم
ابنى يا منى فى أزمة صحية أرجوكى ادعيلة000ربنا ما يحرمنى منك
امال
د0أحمد0000انت متأكد جدا من مكانتك عندى
وعارف انى كنت بعاكس زينة000أشكرك على رقة مشاعرك
عارف انك رديت روحى لانك ظهرت فى توقيت قاتل بالنسبة لى
ابنى يا أحمد من فضلك أدعيلة يا حبيبى ربنا ما يحرمك من فرح ولا يحرمها منك
وحشتنى جدا0000امال
ربنا معه ومعك يا سيدتي
أتمنى ان يكون أحسن الآن
رجاء طمنينا عليه
ولا بجيوشنا ولا بحرسنا
ولا بفلوسنا يا عالم سوسنا
انما بنفوسنا
احنا نبغنا
مش اتبغبغنا
احنا فلاسفة
وعلما
وحكما
ونيل
وأطبا
واحنا كمان
عشاق واحبا
----
واحنا .. كمان
عشاق
وآحبا
!!!
ياااااااااااااااااااااااه
ياأمااااااااااااااااااال
تعرفي يامولي .. القصيدة دي
ودتني فين ؟؟؟
مش ح أقولك غير أنها
رجعتني .. زينة
ورجعتك
آمااااااااااااااااالي
!!!
زينة
الابن الذى لم الده لكنى أشعر أنة أخ لعاطف
شكرا يا حبيبى ربنا يكرمك000أدعيلة فى أيامة الاخيرة
يصبر قلبى0000
لم أتباع التعليقات ولم يصلني علم بمرض ( إبنك ) سوي فجر أمس
من ( يحيي ) .. والذي أكده لي تليفونك ( القاتل ) عشاءاً .. وأنتي ياغاليتي
تتصليين بي في عزّ المحنة .. لتهنيأيني بسلامة العودة ..
دعواتي إلي الله أن أهئنك بسلامة شفاء الحبيب الغالي ..
وإليك ياتؤأم الروح .. هذه المشاركه .. عليها .. تضمك الآن نيابة عني
حتي أضمك إلي صدري قريباً جداً إن شاء الله .
آمال عمري .. سلامة .. إبن أحلامك
***
آمااااااااااااااال عمري
ياطير .. إمــــري
ماحطـّش .. غير علي
بابي
وعشّش .. وسط
أيامي
مابين .. فرحي
وآلامي
وبين .. دمعي
وأسبابي
يطير .. ويعود
بريشه .. وعود
ويعزف .. لحن
أصحابي
ياعطر .. يفوح
ياتوأم .. روح
ياأخر .. حلـــم
باللمــّه
بقلب .. يبـــــوح
وعين .. بتنوح
وروح .. مبتورة
الهمـّه
تناديني .. وبسمــــــع لك
ف لحظه روحي ترجع لك
وتبقي .. لكسرتـــــــك
ضمـّه
ماانتي الصَحبه
والصُحبه
ياأجمل ورده
ف الصُحبه
داانا قلبي أشتهي
شمّه
من الماضي اللي
ودعنا
وسابنا لدنيا
بتبعنا
وترمينا علي
الشيبه
بنتسند علي اللي
كان
وكان ياما كان
زينات
وأمااااااااااااال
وكنا عيال
وحبّيبه
وسبحان اللي غير
حال
لاعُدت زينات .. ولاانتي
آمااااااااال
ولا جوّانا غير
خيبه
بننفيها .. ونطردها
ونلقي .. البخت
بيعدها
عشان يهزمنا
ف الطيبه
سلامة .. قلب بات ..
مهزوم
من الحظ اللي كله
غيوم
ومن . . خَونـــــــه
ولعّيبه
ومن غدر .. السنين
السود
وم الواعـــــــــــــــد
وم الموعود
ومن .. وحـــــــــده
وتغريبه
يانص .. الحلم
نص .. العلــــم
نص .. الظلــــم
جوايا
يابروازي وعكازي
يامشروخه كما
آزازي
ياقاسمه المــُر
ويايا
سلامة .. قلبك
الأخضر
وضحكه .. بتبدر
السكر
ياصورة .. مني
ف مرايا
وتلميذتين .. ف إعدادي
علينا .. الفـــــرح
بينادي
ودووووووووووووامه
بتسحبنا
علي صخر الوجع
ذاته
وبحر .. سمعنــــا
آناته
جرينا .. لحضنـه
دوبنا
بعين سودا .. وعين
زرقا
سقانا التوهـــــــــــه
والغارقه
وأول .. مااكتفي
سابنا
يا ( أول أخــــــــــر )
الأصحاب
يافاتحه جــــــّوه مني
كتاب
ياقايده .. ف وحدتي
شمعه
سلامة .. إبن أحلامك
سلامة .. صبر أيامـك
من الآهـــــــــــــــه
وم الدمعه
سلامته .. م الألــــم
والداء
ومن دائه يكون له
شفاء
ومن وجعه يكون له
نجاه
ياريت كان الشفا
بإيدي
لاصفّي الـــــــــدم
ف وريدي
وترخص أغلي حاجه
فداه
ياريت كان الــــــدوا
عندي
لجيت أجري عشان
آدي
ولا اسمع منه قولة
آآآآآآآآآه
ماليش غير .. الدُعا
والصبر
راح أدعي له بطولة
العمر
وتفرح .. مهجتـــــك
بشفاه
وحاادعي له يعيش .. ليكي
وينسي شدتـــــــــه .. بيكي
وينجي .. بدعوتــــــــــــك
(( لله ))
تكون نار .. الوجــــع
بردا
كما نجي ( ابراهيم )
م النير
ويخرج م الألــــــــــم
فردا
كما ( يوسف ) ف قلب
البير
ويلقي .. لشد تـــــــــه
حداً
كما ( يونس ) ف بحر
كبير
يرده .. ليكــــــــي من
همّه
كما ( موسي ) لحضن
أمه
يرده .. ليكي .. م اللي
فيه
كما ( يوسف ) لحضن
أبيه
كما .. رد .. البصــــــر
( يعقوب )
ورد .. لصحتــــــــــــه
( أيـــوب )
***
آماااااااااااال عمري
ياطير إمري
ياقايدة ف وحدتي
شمعه
سلامة .. إبن أحلامك
من الآهه
وم الدمعه
***
أختك
زينه
زى ما انتى بنت أمى000واثقة انك أم حنون لولادى
ربنا ما يحرمنى منك يا غالية000أدعيلى!!!زى أمك ما دعتلى
امال
الموت هو الموت؛ ومهما قلنا تظل كلماتنا خالية من معناها .. كنا نتمنى له الرحمة والله عنده الرحمة
فليرحمه الله وليجعل كل آهه خرجت منه كفارة أي شيء كان منه في هذه الحياة الفتنة
لنا الله ومنحك الصبر وكل من يحبونه
الشاعرة الكبيرة استاذة آمال ، ادعو ربى ان يهبك صبرا جميلا على فراق ولدك الحبيب وليتقبله الله بقبول حسن ويرزقه وايانا الجنة ويرزقك الصبر
محبتى ودعائى لك بالصبر شاعرتنا الكبيرة وله بالجنة ومنازل الشهداء يارب
رد قاللى000اعلنيها 0
قلت للدنيا بحالها000انه ابنى 0
ابتسم00وراااااح وسابنى 0
شكر الله سعيكم وغفر ذنوبكم00ولا اراكم حزنى قهرة قلبى
الحمد لله وله الامر من قبل ومن بعد 0
لا أجد ما أقوله.
حاولت الوصول إلى رقم هاتفك
لكني فشلت
البقاء لله
وإنا لله وإنا إليه راجعون
شوفت أسمك .. دخلت عشان أقول لك
أن اللسان اللي عاش العمر
أشبه .. بالجرس
جه قصاد جرحك ف إبنك
من ذهوله .. أتخرس
...
ماقدرتش أجيلك .. ولا أواجهك .. ولا أعزيكي
ماقدرتش حتي أكلمك في التليفون وعشان كده وليد كلم سحر وقالت له
ماما كانت صايمه وفطرت وماصدقنا إنها .. نامت
ولما عرفت إنك مع الله
إطمنت جداً
علي الإنسانة
ولما شوفتك هنا .. إطمنت جداً
علي الشاعرة
آما ( عاطف ) فأنا مطمنه عليها جدا جدا جدا
لأنه دلوقت عند اللي أحن عليه من أمه وأبوه
ولأنه عاش وراح وهوه واخد رضاكي
ورضا الأم من رضا
الرب
...
آمال
ياريتك .. تقدري
تعزيني
أختك
زينة