الورشة

زهق القمر ..
من قعدته .. مليون سنه
من غير .. ونيس !
...
يلمح نجوم .. متونسه
بضيه الجميل ..
يفرح .. لهم ..
وان مرّه .. باحوا
بسرهم ..
يسمع .. لهم
أو يوم .. شكوله
همهم
يحزن لهم ..
يبكي .. الساعات
علي جرحهم
...
وساعات كتير ..
بيخبي دمعه .. ف دمعهم
...
تسقط دموعه من السما ..
علي خدهم ..
( فيترجموها .. بوهمهم )
حبات مطــر !
قطرات ندي !
وبيمسحوها بكفهم .. ينسوا
الدموع !
وبيضحكوا !!!
فبسرعه موت .. يضحك
لهم !!
...
وف سره .. كان يرضيه
أوي
يفضل .. قصاد عينهـــم
قوي ..
يفضل كبير .. جــــــداً
أوي
من إنــــه .. يجـــــــرح
قلبهم
لو سمعوا منه .. ف ليلـه
آآآآآآآآآآآآآآه .....
أو شافوا دمعه ..
ف وسطهم !!!
***
فكر كتير
يختار .. ونيس
يسهر .. معـــــــــاه
...
لف الوجود .. فجــــــأه
لقاه !!!
شكله .. تمام .. زيــــه
تمام
سهران .. ومش قـــادر
ينام !!!
حاسس بإنه
( غريـــــــب وحيـــــــــــد )
ع الأرض .. فــــــارد
دمعتـــــــه ..
( سكـــة سفـــــر .. ملهاش وصــول ) !!!
وبيرتعش .. م الخــوف
بعيـــــــــــــد ..
لكنه ..
مش .. قادر ..
يقول ؟!
***
يشاورله .. بيرد الإشــــارة
نفسها
وتحس روحه .. بكل حاجه
يحسها
نفس الطبـــاع .. نفس الألام
نفس الوجع .. نفس الدمـوع
مجروح .. وكاتــــــم
ف الضلوع ..
بيداري جرحه .. بالابتســام
...
( نُصه ) البعيد .. مليــــان
آلام ..
زيه تمام !!!
نفس العادات .. نفس الآهات
نفس الحنين .. نفس
الآمال ..
ان راح يمين .. بيـــروح
يمين
وان راح شمال .. بيروح
شمال
يبعت إشارة .. بالســـــلام
يبعت إشارة .. بالســـــلام
يفتح شفايفــه .. بالكـــــلام
يفتح شفايفـه .. بالكــــلام
يبعتله بوسه .. ف الهــــوا
يبعتله بوسه .. ف الهــــوا
وان قاله راح نفضل ســـوا
بيقوله .. راح نفضل ســوا
يشكيله .. يسمــع
شكوته ..
يضحكله .. يبعت
ضحكته !
وان قاله .. آااااااااه
بيقولـــه .. آاااااااااه
وان قاله .. قوم علشان
تنام
بيقولــــه .. قوم علشان
تنام
وان قاله بكره .. ف الميعاد
بيقوله بكــــره .. ف الميعاد
...
وبالاختصار ..
داق القمر .. طعم
الغرام !!!
....
وخلاص عشق .. مابقاش
حزين
لكنــــــه داق .. معنـــــي
الحنين !!
والشوق .. وصل .. أخر
مداه !!
قرر .. ف ليله .. يسيـب
سماه ..
ينزل .. ( لنُصه ) يعيش
معاه
ويضم شوقـــــــه .. بكـل
شوق !
ولا عمـره يرجـــــع تاني
فوق !!
...
كسر .. المحـال
لمّ .. العـــــزال
شدّ .. الرحـــال
ركب .. الهـــــــــوا
قرب .. خلاص
بلغ .. الخلاص
نال .. الـــــــــدوا !
وخلاص .. هوي
هوي
هوي
حضن .. البعيـــــــــد
حضنه .. أوي
أوي
أوي
~~~
ولا عدش .. حاجه
ترجعه ..........
حس البرودة .....
بتبلعه !!!
والتلج .. زاحـــــف
ع الأمل
بيشق جرحه .. اللي
أندمل !!
...
أتخض !!
خــاف !!
صــــــــــــرّخ .. شـــــــــرق
حــــــس .. الغرق !!!
فرحة .. سنينــــه
بتتسرق
وآحلام .. جميله
بتتحرق
لحظة .. ماصدق
الحيــــاه ..
...
لمح .. الأماني
بتتخنق !!!
والموت .. كابوس
طلّ .. وبرق
...
دا لأنـه .. ليلــــــــــــة
ماعشق
ماعشقش .. غير صوتـه
وصداه !!!
ماعشقش غير .. صـورة
ضيـــاه ..............
أول ماشافها .. بترتعــش
علي صفحة .. الشـــــوق
(( للنجـــــــاه ))
!!!
وعشان مالــــــــوش
ف
المعجــزات
ولا ف التبات .. ولا
ف
النبـــــــات
...
لحظــــــــــة ماضــــــــمّ
(( الطـــوق ))
غرق
!!!