الورشة

فحط ليلك فرس يتغازله الخيال
نز طرف الزلف وچفوفك تلاوح

وعفتني بحلگ روج الموت اغط مرات

انبگ مره الك وعيونك تمازح

شيترجه العثرغير الچفوف يريد

تالي اتعّوز وماتگدر اتسامح

وگضه الليل وطفح شوگك بعد قاطات

من طگ القميص بصدرك الطافح

خدر حلگي وعگدت الساني الك شدات

وتيهت المذاق الماصخ ومالح

يالطعمك غريب وحرت اضوگه اشلون

وشفافك زبد فوكه العسل سايح

نثيه مكلشه وسبگ جنحهه اسيوف

كل شبگة بوريد وحازبه تذابح

تعبني الغرام ودرب شوگك طال

والكذله مهر من تهذب تواكح

ولك عرگت چفوفي وروحي ماعت بيك

وبظلمة لهفتي حجاجك يجادح

يلطبعك فجر ومغازلك نسمات

والبرحي اعله حلگك رايج ولاكح

من تجبل تخدر الماي اذا زعلان

وتشگ طوله سفينه الراچد وطافح

سهرت النجوم وسكرت الضحكات

چي خمرة شفافك من تمر بارح

ترف تتنگل الممشه اعله طرف الثوب

واردافك مهد من تهتز اتطاوح