الورشة

كفاية هموم
وسيبي الفرح يملكنا
وسيبي قلوبنا تتأمل ف بعضِها
كفاية عليكي اوجعنا
تشيلي الهم فوق راسك
تبلّي عنيكي بفراقنا
تطيّبي خطري بكلامك
تضمّيني
احس بكل اوجاعك
يضيق صدري
تمدّي الضحكه ف عنيّا
اروح ف النوم
وانا عارف ..............
خلاص الدنيا ف عنيكي
بتتلوّن بلون تويك
وتتمنّى
بإن عنينا تلمحها
بلون شعرك
ابويا ماكنش حمّلنا
ماكنش طريقك المفتوح
ماكنش الحلم ف ولادك
يكونوا بُعاد على عنيكي
بشوفك وانتي بتغنّي
غنى المواويل
عروسة نيل بتتنشق على الميّا
ابات عطشان
تاريخك كله يثبتلك
بإن الجنه فتحالك ع الأخر
تاريخك كله يثبتلي
بإن الفرح جوانا
اكيد مابتور
مافيش ثورة هاتدّينا خنان الأب
مافيش حاجة من الأول
تخلّي الخلق تسجدلك
فسيبي الباب على البحري
 يخش الفرح او يخرج
ماهيش فارقه
تشيلي الهم او لآ
ماهيش فارقه
كفاية عليكي اوجعنا
كفاية عليّا
اروح ف النوم