الورشة

نعم هذه المجاراة الثانيه بيني وبين السيد عبد الخالق المحنه اهديها لكل شاعر وفي وعلى راسهم يحيى السماوي

ليل اوليل غت اوثالـــــــــــــث اتولم

طفه اعيون الفجر وابلا مطر غيـــم

صفير الريح خورس ضحكة السكران

والهندس عرش والهارف اتـــــــــــرنم

كل عويه ابذبيح اوكل ذبيح ابكيــــــف

ياوكح النياب التغتسل بالــــــــــــــــدم

ليل اوليل موحش والرموش اشباح

طگ اصبع عليهه الجان واتحــــــــزم

موحش والافاعي اعله الرگاب اطواگ

والباگ النفس مگرود يتنـــــــــــــــدم

كل جدحة حجر تعلن زعيم الريح

كل گطرة دمع تعلن زعيم الهـــــــم

تناحر طير شارد والمسافه اصگور

يلبد بالهوه اوبالخــــوف يتلـــــــــثم



جدحة عين نجمه اوطگ جفنهه الريح



رد اخيول باچر والامس ســـــــــــلم



اچفوف امحنطه اوترس الجفون اتراب



واحديثه ابگصيبه اتدور ابن الـــــعم



رجفات الشفايف فزعة المشــــلول



رگصات الزلوف الكل گلب ترهـــــــم



مع حبي واحترامي اخوكم المحنه
ليل وليل غت وليل رد اردود

مذبوح الفجر وهدوم باچر سود

من صب الرمش والكاس شربة موت

ريج الخوف يابس والظلام الجود

صفنة دف گلب والعين وحشة بير

نجم اسهيل ينزل والرمش صاعود

غت اليل يزرع والخضار انحور

ناب الذيب منجل والعطش حاصود

عرس وبلا طبل ما يرهم وبلقيس

يمسحها الظلام ويصبغلها اخدود

كفر طرف الزلف واختاض ذنب ابليس

من خانه السحر شاف الافاعي اجعود

كون الريح يسكت والظلام اينام

يرتاح البحر والبالسفينه ايعود

ركض روجه ابجنح ونشاف ظهر الحوت

لو يتنه الفجر يلگه الفجر صاعود

حل خيطه الضوه وحرّك عباة اليل

شب خوف النجم دمعه وگمر هادود

هذب مهر الضلام وليل يسحل ليل

وعيون الصبح وگفه وتنام اگعود

وعيون الصبح وگفه وتنام اگعود

اخوكم المحنه
ليل وليل غت وضحك ضرس الخوف

والتمت سواد وبالسواد انطوف

والبسمه اعله حلگ المدرع اتوج نار

.من يرفع احجاجه ايوج گمر مخسوف

عاصف والنجم مثل السهم بالعين

.شما نرمش فجر يزرگ دمه المچتوف

جنحين وجنح ثالث يشيل اثنين

يتلاگن نحر والريح اجانه اسيوف

طالت والمسا فه اتوج ضوه الرجلين

شما نشبخ بحر مانلگه بيه اجروف

شدينه الاعيون براية الحداي

سته براس واحد والخطر زافوف

هابين اثر... ها خيل اجتنه ازحوف

هاطر الفجر والسمه اتزخ اچفوف

ليل وليل غت وياحلاة الليل

من تتعب اجدامك ترتخي بلاطوف

يانسمة سوالف تشرب المتعوب

يخنگها الظلام وماتعرف الخوف

صوت الليل بارد والنفس دخان

والگطره التطيح اتجمد الملهوف
اخوكم السماوي






ليل وليل يصرخ ونحنه التاريخ

من ثگل الظلام وفشلة الچلمه

هذي كربله ومن صاح بيها اليل

طر وجه الگمر وتسودنت نجمه

هذا حسين بالطف وبفرد سبعين

ولف سبعين جمره وتبرد ابدمّه

اجت من كل كتر والثار بيها ايصيح

من كسرة بدر لليوم متحزمه

صحت وينك يكاظم وين ياعباس

خل نمشي ونشوف الباعت الذمّه

ليش وليش كلها انجمعت اعلى حسين

ليش وليش ننشد ليش ملتمّه

ايد ابايد رحنه وصرنه نفخة غيض

وحجاج الزعل مانگدر انظمّه

نسمع من بعد هوسه وصهيل الخيل

غدر الناس من ابعيد نشتمّه

بانت والذنوب اتحوم فوگ الراس

والتذبح ضماير تذبح الرحمه

حيل وحيل نركض والدمع سابوگ

واليعثر دليله ايزامطه ابجدمه

واليعثر دليله ايزامطه ابجدمه

اخوكم المحنه
ليل وليل طاح وشبخ ظهره السيف

واتشلبه الجرح والموت ينتظره

خظ راسه الفرات وغسل وجه الطين

شگ گلبه الجرف من عزت الگطره

گام وبز حلاته او(مر) غده بلا روح

رد عكس اليرد ويناحر المجره

نهظ بس الرماح اتلگته بياحيف

ضهضب والسهام انشچخت ابصدره

لطم وجه الظلام وصاح ها ياليل

وشعندك بعد يلغدرك اشكبره

خمش ابعد نجم داس اعله صدره وكام

صاح المن نجم والدم جمد صخره

هاذي كربله يصيح ووگع للگاع

طك گلب التراب او وسّده ابكتره

وعفت عباس دمعه وعالخيام يدور

تلصف بالظلام وحاير ابامره

ما ادري اشيريد مجابل الثايات

مثل المصرع ويفتر بالف حسره

واجيتك يلمحنه ومترب من الخوف

يرهبني الاشوفه ومرهفه ابخصره

اجت سبعين الف وابليس بيها ايگود

وصرخ ابعد نجم يعلن ضوه الثوره

شچخ كل الجروح اعله الخيام ارماح

وتلگه العاصفه انبال ونفخ نحره

ماتبرد توج لمن يجي المصباح

ومايطفه الحقد الا ابنبع صدره

الا بنبع صدره

اخوكم السماوي
ليل اسود حزن مثل الكحل وسود

يبوگ اخر نظر بالعاصفه ويصعد

شال انگاب باچر وخترع من شاف

والخوف انچبح والمستحه اتفرهد

شال انگاب باچر وجهه ثلث اسهام

واليلفت نظر ثالثهن امحدّد

چن زخّة مطر من تجبل الفرسان

چن الگاع حافر وي جدم تنحد

اركض ولتفت وركض بعد جدّام

تالي الگاع اشوفن والجيوش ابعد

اصد يم النهر وسمع ونين اجروف

وبگلب النهر جمره ابعطش تبرد

راد ايشيل روحه او يشرد من العار

شاف العار اثگل والطريق انسد

چن چفّين لاحن وبحماهن جود

چن رگبة طفل ثلجه ابصدر محتد

صحت لاخر نفس وينك يكاظم شوف

ياعباس وينك شوف هل مشهد

بس كاظم اجاني وما شفت عباس

مدري الياكتر راح وبعد مارد

مدري الياكتر راح وبعد مارد
اخوكم المحنه
ليل وليل صافن والظلام اوشاح

وملك الريح يهذي وللمصايب لاح

جمدت والسيوف تلاسن الفرسان

وهمسات المذله اعله الذليل اسلاح

جفلت خيلهم من صرخ ناعي الخوف

وسروج الذهب تغري العثر والطاح

گاملها التراب يسابگ الرجلين

واعيون الاصايل للتطيح اجناح

روج الهد چذب موروج هاي جيوش

عگبها الموت صوته وبّشر الذباح

كل روجه بالف سفيان طشهه الليل

بحجار ونبل ويزخ بحرها ارماح

خوفي التم الم وبراسي هدد طار

راح ورد عليه وصفج فوگي وصاح

صاح الگاع تطلگ والمصايب توم

عظت بالصخر للثابت وماطاح

سراب الليل يرسم ياصدر مخسوف

وياحافر يزاغل من تدوسه اشباح

وياحافر يزاغل من تدوسه اشباح

اخوكم السماوي
ليل وليل يعلن نيّة المجبل

ركضة خيل عميه وكل حجر يجفل

سلّة سيف وكحه اتلاسن الوجدان

وبروس الرماح اتلوح راية ذل

قوس ايطيح غفله ايعاند الرّماي

من شاف السهم ماينحجب ويزل

مالت والارض وي الجدام اتميل

يامسرع جمع هل ناس من تخذل

تترادم زلمها وجالت الفرسان

يمته ايصير باچر والحرام ايحل

شفت دم الضماير يصبغ الرايات

هند ابلا خدر وبليس خل او ضل

دخلو عاالذنوب وطلعو امعرسين

حاضرهه انعرف والغايب اليكتل

لا ياليل خلّك كل صبح ماريد

لاياليل سترك باچر ايفشّل

من شفت الكتايب عل سرايه اتحوم

وطبول الحرب والخيل بس تصهل

ياليل اعلى كيفك لايدفعك ريح

بلكي اتموت هند اوحرمله ايبطّل



تحيات اخوكم المحنا


ليل وهاج بحره وخّوف السفان

گربت صاح من طاح اللثام وبان

حبلت نوگها وردت قوافل موت

كل ناگه ابلعين اتگود الف شيطان

كل كشرة رمح تفضح ستار الليل

ولصيف السيف يبلع كشخة الفرسان

كل عثرة فرس بيها الوليد ايصيح

وچم هند ابگفاه اتحشم ابسفيان

ردت والدفوف بضحچة اهل الشام

واجلاف الحجاز اتهوس ابعثمان

ياليل االجمر تحت الحوافر غيظ

وسموم اللحم وردي بگفا الميدان

السيف الماتريحه ارگاب ريجه ايشيط

ومايروه السهم الا بحلگ عطشان

تگابل جمر عتبه وبدر ذاك اليوم

بيابير اليوج وبيا نحر دخان

بس چف الوگف ناحر سواد الليل

واصبع يلتهب ظل من وره الصيوان

صفنة حر ضميره اتمزك التاريخ

وتذل الملوك وتسحگ التيجان

شد ياليل لا چف الفجر يلويك

ويرد الوليد ايمزگ القران


اخوكم السماوي
لا اقبل لي على المتابعه صامتا فتحمّلوني يامجانين الليل

تعلمت الشعــــر توني وعرفت البــــيت

اذا مايـچــــــوي بالوجــــــدان ماريـــــده

صفطْت اوراق اشعاري عله رف الخـوف

والماخـــــاف منـــك بلـــــــــوته مـچـيده

تنثــــــر زعــــفران وتقره ريحة هـــــــيل

تسطــــــر ليـــلو حـــر منضّد بجـــــــيده

خيطـــــــك ليل المحنه واظـــــن جنــــيت

جبل ياقــــــــوت واتوليــــــت تنضــــيده

لاتســـــــــكت يكاظــــــم لو نشفـلك ريج

اشرب من بــــــــحر ابداعــــــك وزيــده

المتلهف للمزيد

احمد العبادي
ليل وليل صافن والسكون ايصيح

خوف الگاع يعلن عثرة العثره

ليل ومات حلمه وينعه حلم الگاع

حلم الگاع مات وكل جدم طبره

اذن نيّة حرب ماخذ قراره السيف

وجه السيف يعلن ذبحة الگمره

شلت جدمي ومشيت امتابع اليمشون

كل صوت الاسمعه ايديرني ابظهره

شفت اثنين بعدو بالمشي ويحچون

گلت لازم عمر يتمشّه وي شمره

جمّعنه الجيوش احساب الف سبعين

عل سبعين كلّش زايد وكثره

هز ايده الشمر ويگلّه عند احسين

فارس يعتني اعلى الموزمه ابصدره

كل هذا الجمعته وضاعف الفرسان

گطره اتصير وتضيع ابحلگ بحره

چيف الراي گلّه وگال عندي الراي

نغريه بالقياده او ناتمر بمره

مشو وانه اباثرهم لاچن امن الخوف

اطگ راح اعلى راح او انكسر وبره

خايف يقبل العباس لاحاشاه

اخيّه احسين اخيّه ولازم اينصره

يومك يالچفيل اليوم حل اليوم

لاتجبر شمرها وتكسر الحرّه

من ناده الشمر چن ماسمع عباس

دنّگ مستحه وبت حيدر اتنظره

تعال اهنا يكاظم عوف ذيچ الناس

تعال اهنا تعال وشوف هل قدره

هاي ابدور تمّت والخيام انجوم

اذن هذا سمانه وغيمنه العبره

اذن هذا سمانه وغيمنه العبره

السيد المحنا
يطش الهيل حســــّـــك لليــعرفونه

والالماز جنــسه يـبــــان من رنــّه

اذا كلهم تـــناخــَو للشـــعر عــونه

واجو يردون نظمه وشمرته وفنـّه

فـِـنـّه اليوصــل لفـَنــّـك يـگـف دونه

وانته لســان نار وچــلمـــتك جنـّـه

يسلّي الروح شـعــرك للّي يقــرونه

واكو بكل بـيـت لوعه ونايبه وونـّه

يريتــه يدوم وآنه من اليــخـــلدونه

وعصافير الحدايق خل يحـــفظـنــّه

لَكل الكون صوتي وخــل يسـمعونه

اجاد يصـيح والله وعاش المـحنـــّه

*******************

لاازيد وبانتظار كاظم يلبي النخوه وياتي ليرى مااريتنا

تحياتي احمد العبادي