الورشة

خرج يحيى مسرعا من غرفته بحلته العسكريه ليجلس إلى مائده الطعام بجوار زوجته شريفه هانم وولديه آيه وعلي...سحب يحيى زيتونه وقبل أن يقربها من فمه..صرخت شريفه
-مصاريف مدارس الأولاد والباص كمان...
أعاد يحيى الزيتونه وقال لها أنه لم يتسلم الراتب بعد ... أعادت شريفه هانم النظر إلى النتيجه التي تقابلها وقالت ,اليوم 30منه.وأنت مرتبك يوم 28منه ...,خلاص ياشريفه...أنا ماشي...,ونهض يحيى إلى الباب..وقبل أن يفتح الباب سمع...
-بابي...
استدار يحيى دوره عسكريه لمصدر الصوت...
-عيون بابي
نهضت آيه وتوجهت إليه,أنا عيد ميلاد صاحبتي اليوم
-وبعدين
-عايزه أجيب لها هديه...
-عايزه كام؟
-600 جنيه
-بوسه بقى لحبيبه بابا...بوسه ب600 جنيه ,يا بلاش
ههههههههههه
عادت آيه لينطلق علي وهو يصرخ.....
-بابا....
-نعم ياسي علي....
-في رحله لشرم الشيخ آخر الأسبوع....ب200 جنيه..لا250 جنيه
-ماشي ياسي علي
-بابا أنا عندي ماتش في النادي ...هات 100 جنيه...
عاد علي لتنطلق شريفه هانم وتلتقط ما تبقى في يد يحيى من نقود
-آسفه ياحبيبي عند شوبنج ...تقولي المرتب تأخر...
-دول 1500 جنيه...سالفهم....
-أه ماتنساش اشتراكات النادي...
-حاضر
-وقسط عربيتي...
-حاضر...
-حاسب كمان صافي هانم....
-صافي مين
-الخياطه
-ماشي ....ماشي ....أنا ماشي....
-أنا عازمه صافي هانم وسوسو هانم ورجاء هانم وامينه هانم وحرم سياده الوزير
-وأنا مالي
-هات طقم طباخين ؤصفرجيه وشغلات
شريفه ...أنا مفلس....
-اتصرف ياحبيبي
أسرع يحيى يهبط درجات السلم ومنه إلى السياره ومنها إلى قسم الشرطه....
هبط يحيى من سيارته التي سلمها إلى عسكري ليدخلها الحوش وسار هو بين العساكر,يؤدون التحيه العسكريه على الصفين وقبل أن يفتح له مجاهد الباب استقبله ادهم بيه
-حضرة المأمور....
-خير يا أدهم
-السجناء ضربوا الدكتور حسن و...و...مات
-تصرف يا أدهم...هي أول مره
-ابراهيم بيه مجاهد منتظرك...
فتح مجاهد الباب ودلف يحيى...

اهلا ابراهيم باشا
-نموسيتك كحلي يا يحيى
-انت زعلتني يايحيى
-انا...امتى
-الولد ابن اختي قبضو عليه امبارح بتهمه هايفه,حمل سلاح غير مرخص,وتربه حشيش في حيازته..لكن كانت هديه لواحد عزيز عليه...وخطف انثى في الطريق العام...بس
-والله ما اعرف,ابن اختك هنا ...هو الولد اسمه ايه
-مصطفى كامل الحمصاني
ضغط يحيى زر الجرس ليدخل مجاهد
-تمام يافندم
-هات مصطفى بيه كامل من الحجز و هات قهوة مجاهد بيه وابعت لأدهم وقول له يجيب المحضر و الحرز
اختفى مجاهد خلف الباب بينما انشغل ابراهيم باشا بإشعال غليونه
سمعت طرقات الباب ودخل مجاهدوخلفه مصطفى مهلهل الثياب ملطخه الدماء,وخلفه أدهم يحمل المحضر والحرز
-خذ المسدس والهديه من أدهم بيه يا مصطفى وماتعملش كده تاني
-شكرا يا يحيي,ونهض ابراهيم باشا,عربيتك قدمت تعالى غيرهامن المعرض سلام
-سلام ياباشا.....
وخرج الجميع إلا أدهم الذي صرخ في وجه يحيى,كل هذه التهم ويمشي هكذا لقد قتل هو وزملائه الدكتور حسن
-انت صغير يا ادهم هات المحضر ومزقه وهات البنت تتنازل عن محضر الخطف ,خذ الباب في إيدك
خرج ادهم ودخل خلفه مجاهد
-تمام يا فندم
-خير
-واحد ساب الظرف ده
-اخرج
فتح يحيى الظرف وتغير لون وجهه عندما رأى فواتير السياره والخياطه واخطار النادي ومدارس الأطفال واخطار من البنك أن رصيده صفر جنيه......
هب يحيى واقفا يدور في أرجاء اللمكتب وأخذ يدور ويدورويحدث نفسه
-ليه تأخر ليه ...لا اعرف اسمه ولا عنوانه ولا رقم التليفون ولا شكله لا بد من حل ,واخذ يحيى ظهر أحد الفواتيروكتب عليها
1-إقامه حياه اجتماعيه عادله
2-القضاء على الفقر والتسلط والواسطه
3-إعاده توزيع الثروات
4-إعاده توزيع الأراضي الزراعيه
5-....
دخل مجاهد يسأل ,مش تحقق يا فندم
-في ايه
-قضيه القتل والسرقه والعيال بتوع المظاهره
دخل رجل يلبس اسود في اسود نظاره ,وقبعه,وبالطو أسود
-بونجور مستر يحيى
-بنجور ياسيدي ....انت اسمك ايه
وضع الرجل ظرف أصفر كبيرعلى المكتب وهو يقول ,انا مستر,إكس
-عنوانك ولا رقم التليفون حتى
-مهما أتأخر تلقاني جاي ....باي
-باي مستر إكس
خرج الرجل وأزاح مجاهد يده عن الفاتوره وضغط الجرس ليدخل مجاهد
-تمام يافندم

اخرج يحيى نقود من الظرف وأعطاها له والفواتير وقال ,روح ادفع الفواتير دي وهات العيال بتوع المظاهره يتأدبوا......