الورشة

المبدع سعيد شحاته.....جديد عليك الطريق ده يا ابن حامد واى جديد لازم نصبر عليه لحد ما ينطاع

بيّاع الورد على ناصية شارع قلبك عمّال بيدلل بالعناقيد وغيطان روحك ما بقتش بتطرح ورد جديد زى الأوّل وشعاع الضىّ اللى ف صدرك مش نفس شعاع الضى اللى ف صدرك من عمنوّل وأنا مش مجنون علشان أتسوّل من كف أبالسة قلبك لحظة نور علشان أتحوّل لوابور جاز أو كلب بيضحك على برواز مش متعلّق أو قطّ مبلّق داير يرمح بين دهاليز الصدر البور أو طيره بتهتف وسط طيور قصر الحاكم أنا مش مجنون علشان أتحوّل لملاكم همجى وسفاح أنا مش مجنونعلشان أتحول وياكى لقبّاض أرواح

الشاعر سعيد شحاته لك كل التحيه على امتاعنا بكم ابداعى راقى
انت شاعر تهتم بالانسان بصفته انسان وهذا الملمح ليس جديد فى اشعارك
وتفاصيل صغيره تهتم بها وهى تصبح بكلامك عنها فى المركز
وكل الاحساس معها
احييك على الكتابة الجيدة والصوت المتميز وتمنياتى بالتوفيق الدائم
محبتى
محمد

الصديق الشاعر / سعيد حامد
تحياتي
وأنا مش مجنون علشان أتسوّل من كف أبالسة قلبك لحظة نور علشان أتحوّل لوابور جاز أو كلب بيضحك على برواز مش متعلّق أو قطّ مبلّق داير يرمح بين دهاليز الصدر البور أو طيرة بتهتف وسط طيور قصر الحاكم أنا مش مجنون علشان أتحوّل لملاكم همجى وسفاح أنا مش مجنون علشان أتحوّل وياكى
إيه الحلاوه دي ياسعيد 
نص جميل وممتع  وده مش غريب عليك
دمت مبدعا دائما 

ست الكل
والله جمالك بيدى للعمل شكل تانى وحضورك بيخلى الدنيا شكلها أروع دام القلم ودام القلب ودامت الكلمات الرائعة

صديقى الشاعر الرائع / مراد ناجح
دمت فنانا رائعا صافيا ودام التواصل الجميل

أبو نور
الله عليك حتى فى تعليقاتك بتكتب قصايد نثر 

مبروك الديوان يا أبو السعود والصبر مفتاح الفرج إن شاء الله