You are here
معرفش ليه القلب خايف
معرفش ليه القلب خايف
آمال بسيوني
من غير نجوم....ولا قمر
النظرة فى عيونك....سفر
لبلاد حنين....وبلاد أنين
وبلاد كتييييير متشوقين
نقطة مطر....
-------
معرفش ليه القلب خايف ألف خوف
ملهوف يعدى العتمة لكن ما له شوف
ملهوف يدوق....طعم الحياة
طعم اللقا....طوق النجاة
فى عنيك بلاقى منتهاه
فى عنيك باشوف دقات خطر
-------
هات اللى عندك متداريش....متخافشى منى
الحزن علمنى البكا....من صغر سنى
هات اللى عندك متداريش
عصفورى شب بقالة ريش
من غير بشر يقدر يعيش
وانت اللى شدة للبشر
--------
على قد شوقك باعترف
كان اللى بينا شىء فاتنا
احساس لذيذ ومختلف
لكن على قد الفراق
كل البراح اللى فى عيون القلب داق
باشتاق أضمك...وأبات أحلم بضمة شوق
وبصحى الصبح بلقى الرمش فيه أشواق
---------
كل الاغانى حنينين
واشمعنىأنا الناى الحزين
ح تكون لى عش فيه جناحين
ولا انت طير من غير شجر
-------
من غير نجوم
من غير قمر
النظرة فى عيونك
سفر.....
لبلاد حنين
وبلاد انين
وبلاد كتير
متشوقين
نقطة مطر..
07/31/2008 - 13:50
القسم:
بحث
المتصفحون حالياً
يوجد الأن 0 عضو يتصفحون الموقع
أحدث التعليقات
-
حلم الطفلقص مؤثر جدا ،يمس الروح ،ولكنه - نهى رجب
-
بتجرّب تانى تموتمعزوفة شعرية عذبة، موجعة - نهى رجب
-
شريطة حمراءجميل ونافذ كالمعتاد يا وفائي - سلمي عمارة
-
شريطة حمراءكم أوحشني شعرك يا وفائي - أحمد يحيى
-
لماذا تبكى النساء...أ:سوزان خواتمي - نهى رجب
-
طيور الجنةنص قصصي محكم السرد فاجع في - نهى رجب
-
لص يوم السبتاختيار جميل لنص ثري ماتع في - نهى رجب
-
آدمفى الحقيقه انا كنت متوقفه عن - Amina Hassan
-
قطّة على السُّلَّمممتنة لكم كثيرا مروركم الكريم - نهى رجب
-
آدمأمينة... سعيد بأنك هنا... - أحمد يحيى
التعليقات
من غير قمر
النظرة فى عيونك
سفر.....
لبلاد حنين
وبلاد انين
وبلاد كتير
متشوقين
نقطة مطر..
الرائعة امال بسيوني تحياتي لك استمتعت جدا بهذا العمل الجميل ادام الله عليك هذه النعمة لامتاعنا
دومتي لنا نعمة من الله
والشاعركلما غاص داخله استخرج ورد تعبيره
وانتى اراك شاعره بهذا القدرفى
كل الاغاني حنينين
واشمعنى انا الناى الحزين
تقديرى لهذا الحضور
صادق امين
مش عارفه ليه القلب خايف ؟؟؟
يااااااااااااااااااااااااه ياآمال
القلب ده .. لازم يخاف
ولاعمره .. غير الخوف .. ماشاف
لو عنده يوم .. حبة مشاعر
نفسه لحظة يمدها
أوحب يوم .. موجه .. ورسي
علي شطها
حيلاقي ألف .. بيمنعوه
ويلاقي ألف .. بيخنقوه
ويلاقي ألـف .. بيعدموه
ويلاقي ألف .. بيجبروه
يرجع ..
يخاف ؟
ـــــــــــــــــــــــــــــــــــــــــــــــــ
هات اللى عندك متداريش....
متخافشى منى
الحزن علمنى البكا....
من صغر سنى
هات اللى عندك متداريش
عصفورى شب بقالة ريش
من غير بشر يقدر يعيش
وانت اللى شدة ..
للبشر
....
باشتاق أضمك...
وأبات أحلم .. بضمة شوق
وبااصحى الصبح ..
باالقى الرمش.. فيه أشواق
.........
ياااااااااااااااااه ياآمال
لساكي بنت صغيرة
فيها الحاجات مستنظره
فارس ياخدها ع الجناح
ويلم فيها سنين كتير
متبعترة ؟!!!
..........
جميلة .. رائعة .. مبدعة
ذي عادتك
يامولي
أختك
زينات القليوبي
أشكر مرورك الكريم وآسفه لتأخير الرد
دام بيننا الود والمحبة ودمت مبدعا مختلف
امال
نورت الصفحة يا استاذ صادق
شكرا لمرورك الناطق محبة
دمت بخير
سؤالك اختبار؟؟؟؟
كل الاغانى حنينين
واشمعنى انا الناى الحزين
طب قولى آخر حزنى فين
حيكون لى عش فيه جناحين
ولا انت طير من غير شجر؟؟؟
واضح يا زينه العمر عدى ولا فيش رد0000؟
دمت الحبيبة القريبة يا زينة
امال
ظاهرة صحية فى الكيان الإنسانى
وأنا شخصيابتنتابنى لحظات خوف كتير
وبقول لروحى ياسلام لو ابيع تلاتين اربعين سنةوابدا حياتى من جديد
هو دا طبع البشر كلنا عايشبينه وحاسينهوالخوف ملازمنا ليل نهار
لكن لما بنبص لولادناونكلمهم ويكلمونابنحس ان العمر ماراحش بلاش
لكن مافيش مانع بينى وبين نفسى كشاعرأغنى على الورق
وأرقص على السطوروأعيش حلمى اللى ماعشتوش فى الواقع
من خلال أشعارى وقصايدى
صدقينى يا آمال الجنان حلو على الورق
ولو قدرتى تعمليها حاتحسى انك بنت ستاشر سنهوادعيلى
محمود عبد الحليم
والله يا اخى العزيز انا بنت ستاشر فى حياتى
مش على الورق000
أسأل عنى زينات تقولك
انا زيى زى اللى فى سن اولادى اقبال على الحياة
لانى الحمد لله رب العالمين ربنا كرمنى فى كل شىء
مشكلتى مش لاقية مشكلة أتكلم عنها 000
لاكن؟؟؟بينى وبين زينات فية شوية نغمشات
المهم متحرمش منك ولا من تعليقك ومرورك على النصوص
دمت لى أخا عزيزا
ا