الورشة

اخوتي الاعضاء السلام عليكم ورحمة الله وبركاته اقدم لكم اليوم المساجله التي دارت بيني وبين السيد عبد الخالق المحنه والتي اسميناها (الليل)

والبدايه للسيد المحنه يقول

...........................
ليل غت ليل اوهوارف بي عوت

وين وين الينحسب ناطورهه

شيلة الحره عله الچف انطوت

ليش نايم ماهدر كاسورهه

ليش ليش اوليش من وگفة هوت

ليش ليش اوماهدر ناحورهه

بين چتفها الحيه اوخوش انچوت

بين تستنكف تطب زاغورهه

هام هام اوهام هم الماروت

هام هام اوماطلع من طورها

عيب عيب العيب من گال استوت

عيب بردت والدغش بگدورهه

اه لو تطلع علينه الماضوت

چان بان الضام راسه ابزورهه
................

جواب كاظم ال جابر

ليل غت ابكشخة السيف وهفت

وركظت الظلمه بصفار انحورها

غتها غت للي رضت والمارضت

ودار سمها الازرگ ابناعورها

عميه چانت ماتشوف وفتشت

چنها موتى اتدور اعله اگبورها

من نزع جلده الحيا الكل استحت

فشله گالوا ينچف مستورها

چنها لبلابه وعلى العيطه التوت

وظنت اتهزها وتشيل اجذورها

صار شوباش ابعرسها وشوبشت

وصبت الزاد بصواني اصدورها

مابرد لحم الذبيحه وهوست

واليزفها ايهوس ابساطورها
..............................


جواب السيد المحنه

الى ملك الخيال كاظم السماوي

لكم خالص ودي واحترامي

----------------------------

بان مابان اللكد بس الصياح

اولاحت ابلون الافق چم رايه

بان والهندس غفه ابحضن الصباح

اونامت ابعين الفجر سلايه

من فتاهه اوقارن الساحه ابمراح

اومارگص متن الجبل بحچايه

هيه هيه اشماكثر بيهه السلاح

هيه هـــــيه اوماتت الشرايه

وين صگار الصعدهه ابلا جناح

الزود زوده اوسودن الرمــايه

بان خوف الليل بزماط الشباح

اوبان كشاخ الفجر بمرايـــــه

مااريد العافني اباول نبــاح

اومااريد الطاح باول بايــــــه

هيبة العنبر صفت صدر اللواح

ادري واتحب البزايز مــــــايه

جواب السيد المحنه

لكم خالص ودي واحترامي

----------------------------

بان مابان اللكد بس الصياح

اولاحت ابلون الافق چم رايه

بان والهندس غفه ابحضن الصباح

اونامت ابعين الفجر سلايه

من فتاهه اوقارن الساحه ابمراح

اومارگص متن الجبل بحچايه

هيه هيه اشماكثر بيهه السلاح

هيه هـــــيه اوماتت الشرايه

وين صگار الصعدهه ابلا جناح

الزود زوده اوسودن الرمــايه

بان خوف الليل بزماط الشباح

اوبان كشاخ الفجر بمرايـــــه

مااريد العافني اباول نبــاح

اومااريد الطاح باول بايــــــه

هيبة العنبر صفت صدر اللواح

ادري واتحب البزايز مــــــايه
جواب السيد المحنه


انه عد عيناك لو صارت عناد

هاي ساحه اوتنعرف بيهه الزلم

والاصايل تنعرف وكت الطراد

ريح صرصر من تهب ماتنلزم

ادري زين اليحترك يصبح رماد

اوشان بنيان العله الرمله ايهدم

انه حدهه انچان تنحد للشداد

ا گطع الشفه التزامطني اوتزم

حي اخوتي التفزع ابنثره اوحصاد

الغيض نفخه اونفخه حد طگ الحزم

عندي عباس اليطر وجه السواد

اويوگف اعله الروس لو شاله العزم

اوعندي كاظم لو لفه الوادم لغاد

السيف هيبه اوهيبة الباشط حسم

ذوله عندي اوباجر اتبين وكاد

اوهلهلت فدعه اوفضيحه الينهزم


........................
جواب كاظم ال جابر
ليل غت ومبحر وصرصرگفاك

ومدت ارموشك تجر بيها الوسن

مبحر وروجك خيولك من وراك

تصهل وعاصف على چفوفك رسن

ظلمه بس سن يجدح ابكشرة سماك

وحوت حاير والسمچ بيها امتحن

انگا ب نگبت البحريوم الخذاك

وسيفك اتمغط على اصدورالسفن

يضحك الماي اعله حلگگ واشتهاك

حگهن العشگن كلامك واشتهن

كل رمح موجه ودرع غيمك علاك

ونجمتين بسيفك اتحد وتسن

نجمتين وعطشن وشربن ضواك

يوم زفيت القصيده وهلهلن

من كفر بيك الجرف واستغفراك

حشم المايستحن والكفرن
السيد المحنه
ليل غت او ماعله ابظهر الگصير

مات باچر وامتحان الليـــــله

من صحت حيهوم جاوبني الشخير

مو وكت للمايل اوتــــــعديله

بس اجوني اثنين واثنين ابچثير

سيف واحدهم والاخر چيلــــه

مااليه احساب وي چف الزغير

بس ا گول اشماكبر ياويــــله

والنفش ريشه اوكشخ خل يستجير

شوفة الرجلين تخرع ذيـــــله

بطلوا باول سعير امن الزفير

گالو ادخيل اليجينه ابحيـــــله

عيب ماانسه اليشد گبلي اويغير

گال عنك كل ثجيل انشيــــله

واليظن رداد وابنفخه يطير

ادري يكبر من اگف واحچيـــله
__________________
ليل غت ليل اوشهگ ليل الصبور

بانت البسمه على اشفافك گمر

خل ينام الليل بچفوف الغيور

بان نجمك والمشه ابضيك كبر

لو صفن بحرك يغازل بالسطور

اولو حچيت احچايه من بحرك بحر

هاك جنح الليل والداير يدور

صوتك ابصعصع والف طوب انشمر

هاك دمعه اودمعتك ثلجه اوتفور

وازرع الچلمه عله الماتوا شــجر

هاك واركب عالقوافي اولاتشور

سولف ابزودك يجلمود الصـــخر

من تشد اعله الشعر تبچي البحور

والقوافي اتصيح چا وين المفــــر

..............................

اخوكم المحنه
ليل غت ليل ويساندهه الكسوف

سوده حمره وعطشت الماي النده

من طفح صدر البحر شال الجروف

موجه للسفان موجه امحدده

مال جف اليل سيف اعلى السيوف

مهرة الهندس صهيل امجايده

غارة المدرع على النايم خطوف

والكسر جنح الوفه انشلت يده

لاح حداي الغدر يبجي ويطوف

هل هللها الذيب وبليس الحده

بين ابجبد السمه اعتاب الزلوف

ونجفه اليل ابسحرهن وعتده

من خلص صبر الفجر لازم يشوف

غازله ابليس ابمهاره وبرده
..........................................
ليل غت ومعتني الفجر ابعروس

وليلك اتمطه وشرب بيك اليسم

تحت كل نگلة جدم عگرب تدوس

وتصهل الظلمه اشجدح ضرس النجم

امحنطه الضحچه بحلگ من ظل يحوس

وشافو بعينك حچي اخوانك رسم

واگف بصدر الشعر والكل جلوس

والحچي العندك مثل سيف الحسم

كل قصيده ابمرهف الحز الرؤوس

ويضحك اليوگع شچخ من ينجسم

عصت موسى السانك ابسحر النفوس

يبلع شما تشمر احبال وحزم

عنبرك فاح وكفر بيك السبوس

وكشخت الاذره وحصد بيها القزم

طوله حد جدمه الحسب والظل يدوس

ومنهو عده بليلة الحسبو زلم

خل تشنف الخيل يلحربك ظروس

وخل تمد ارگابها الماتبتسم

كاظم ال جابر السماوي
اخر مشاركه لي في هذا الوزن

وسوف التقي بالوزن الجديد مع المحنه

.......................

اركظ الليل ابسمه الغت وارد ااشوف

واعرگ بطين الشرب طينك كحل

واجر ثوب الظلمه والبسها واطوف

واطلع بعاشر محرم وارد اهل

وابلع اسهام القصيده الماتشوف

واضحك ابسن النجم والعب طفل

واغزل الظلمه بقصايدنه التروف

وخلهه مزويه اعله چتفك تنسحل

ياخيال البي حچه وصاير يشوف

ويعتقد للمافهم حچيه العدل

انا مو ذاك الخبط صافي الجروف

ولاشبچ شعري اليلم ذاك السحل

شماله چا گلب الشحم خاوه السيوف

وغده اشبيح وگابل احلوگ النبل

الغيرته ابراسه شله ابشد الچفوف

يكفي بصدور الشلب تلوي البزل