الورشة

كل العيون .. دورت
عنّي ..
ف كوبـّايه !

من خُرم وسط السقف
كنت ..
باابص ؟!

دورت عنّي .. معاهم
بس .. ياخســــارة

مالقتش منّي .. أنا
لو حتي  ..
برّايـا ؟!

.. جوّايا
واقف بعيــد
مع إنه مش داري

هوّه اللي واقف ..
هنا

ولّا..
اللي واقع ..
فــوق ؟!

وفوق
لمحني هناك
خوفني ع الباقي ؟!!

ولاعادش.. باقي
إلا ف الطراطيـش

طرطـوشة ..
نطّت ؟؟؟
( فجأة )
خضتهـا ؟
!!!

وفجأة..
لمّا .. تُخض
تتلائم ؟؟

واللؤم صنعة بتعجب
الفاهم ؟!!

الفاهم .. اللي ضحك
ع اللي ماهيش ..
منـّه

ولا عمرها
راح تبقي يوم جوّاه

( جوّاه ) ..
زهق م الكـل .. قام
فاطس ؟!!

والفطـّسه .. لمّا تقـبّ
تتشملل

علي ( غربالين ) ف السقف
متعانقين

( مسمار ) مصدّي تعــب
من ضمّة .. الحيطة

والحيطة .. آيلة؟!
بس .. مسنـودة !!

والسندّة .. طالبة والطلب
مسكوك ؟؟؟

والقيد ..خلاص إتحل من
طوقـــه

غربال وقع .. والتاني
بيشاور

والعقل.. لمّا إنفرط..
الحَبْ

طار .. طوري
وأطرطر إبن الإيـــه ؟؟!
بفهلوته !!!

والبهلوان .. إن لعـب
الحبل .. يرخي له ؟!

( بهلول ) ..
بقي منفضة .. وانفــض
مواله ؟!!

( مااعرفش )
واقف .. هنـــــــــاك
بيلم .. ف العدّة ؟!!

والعدّة..
قالم تلاته .. بس
بالعربي

والحاوي .. عنده كتير
جوّه الجراب .. راقـد ؟!!

والديك ..
رقد ..ع البيض
وبتدّن ..
الفرخة ؟!!!

كتوت .. صغير أوي
ف البيضة ..
بيحشش ؟!!!

كـل الحشيش.. أتسطل
مع إنه .. كان
أخضر!

واصفر .. لـون العرق
مع إنه كان .. لولي؟!

واللولي ..
كات سِنتك .. والشمس
حصّاله !!!

والصاله .. فيها بشـــر
مستنين .. دورهم ؟؟؟

ترجع سنان العروسة
والرّك .. ع القـُرعه؟!

والقـُرعه .. تدي أوي
كل اللي مش ..
عايز ؟؟؟!!!

والكل عايز ..عروسه
حتي ولو .. قـَرعه !!!

والقـَرعة ..
صبحت خلاص
عجباها.. قرعتها ؟!

قرعتها ..
كانت عسل
وآسود .. من بختي ؟!

والبخت ..
لما بـَرك .. ع الشمس
كسّرها ؟!!
 
باضت..
ليالي الشـوم
ف القهر والعتمه

والبيض دا لمّا فقـس
كل السِنان .. طارت؟!

والعض ..
أصبح عـَفي مع إنه
بالضراضير ؟!!

جاتنا .. ( حِمير ) نهّقت
بسنانها .. تتعاجب؟!!

وعيونها .. متجرّآه
عِليت.. علي الفاضـي

( والفاضي ) ..
لو يشتغـــل
راح يـُرفس الحافر ؟!

الحافر ..
اللي دَهس ..ع الشمس
كسرّها ؟!!!

ياشمس .. متكسّـره
كل السِنان فيكـي ؟؟

لو فيكي خير.. إرجعــي
وجددي .. شوقي

لا شُفت ..
سِنة عروسة ..
ولا سِنتي .. أتردّت ؟؟؟

رُدي ..
سِنان ( الحُمار ) اللي
عطيتهالك

غاوي أنا ..
قرقشة
طعم الحَصي .. ف الفول

دلوقت لما أبلعـه
بقي يتزنق .. ف الزور؟!

زي الحقيقة
الحَصي؟!!
مابتهضموش معْـدّه

والمعدّه ..
فضيت  .. خلاص .. إلا من
الذكري

وذكري .. ماتت قتيله ؟!
كان نفسها  .. تحيــــا ؟!!

وتحْيي .. فينا الآمال
اللي عِشقناها ..

بس .. الآمال إنطفـت؟؟؟
ماتقولش ..عود كبريت؟!

( عفريت )
 !!!
طفا .. ضيها
خلّا .. العِيدان .. خلّه ؟!!

وازاي .. تسلّك سنــــــان
ماعادتش .. موجوده ؟!
؟؟؟؟؟؟؟؟؟

يا .. مهرجان القلــــــــق
خفّ الوجع .. حبّه

والحبّه ..
كات قصتي

طرحت ..
وجـع .. قلبي

حدوته ..
بايخـه .. أوي
مع إنها القصّه ؟!!

والقـُصّه ..
طالت أوي
غطت .. علي الحاجب

الحاجب ..
اللي عِلي ..
غطّي .. علي القاضي ؟!!

والقاضي .. لـُقمة خلاص
مابقتش .. تتاكل ؟!

وإزاي نطُول .. لـُقمته
مع إنه .. بالعهـا

ولا عادش..
لينا .. إيدين
حانمدها ف جوفه

جوفه اللي بالع  .. ولاد
كات هيّ ..
آحلامنـــــــــــــــــــــــا

وعيونه..
متحجـّره ..
ماتخـُرش الدمعه

والسُمعه ..
لوتتحــرق
الباقي يصبح .. صفر.

و( الصفر )
لو نعشقه .. مانكونش
يوم واحـــد ؟؟؟

وان كنا يوم ..  نكرهـــه
حايخش فيهم  ..
جـــــــــــــــــــــــــــون
؟!؟!؟!؟!؟!؟!

مجنون
ياعاشق .. أمـــــــــــل
مرسوم ..علي الحيطة

الحلم لو .. يترسم
عمره .. مايتحقق !

الحلم ..
سكّة أمــــــــــــــــــــل
عافر
وخطّيهــــــــــــا

شُق الصباح بضميـــر
الشمس
تشرق لك

ترجع إيديـــك وعينيك
ترجع
سنــــــان لولـي

يرجع ولاد حلمنــــــــا
ويحققوا
الباقـــــــــــي

والباقي لو نلحقــــــــه
حايعوض
اللي راح

وآمّا اللي راح ........
يتلقـــــي

حاالقاني ..
وألقاكم
!!!
ــــــــــــــــــــــــــــــــــ