نوّر يا فانوس !

نوّر يا فانوس !
سيد الموجي

نور يا فانوس يا فانوس نور
ورينا اللى عليه بندوّر
يمكن يا فانوس
على زِر ندوس
يخرج منك مارد محيوس
بيقول : بس خلاص هانصوّر !
****
نور يا فانوس ، النور مقطوع
والقمر اللى على الباب ملطوع
بيناجى الليل
ويقول مواويل
الموجى وفايزة ومرسى جميل
خلّوه اتنرفز واتهوّر !
****
نور يا فانوس بيّن للناس
على نورك كرامات ( اليوسى ماس )
لو كل وزير
باسم التطوير
هايطبّق هنا أفكار الغير
عمر التعليم ما هيتطوّر !
****
نور يا فانوس ع الكادر اياه
واعلنها شهادة لوجه الله
لو كان إنجاز
إن الأستاذ
يمتحنوه تلاميذه الأفذاذ
تبقى شهادة بختم مزوّر !
****
نور يا فانوس حدد بالذات
مين سرّب أو باع الامتحانات
أصل المسئول
شفناه بيقول
إنه لا مستغرب ولا مذهول
فى حوار واضح مش متحوّر ؟!
****
نور يا فانوس ورّى الجمهور
صفر ( العشرين عشرة ) المشهور
واسألهم مين
أهدر ملايين
ورجع ببرونزية بيكين
لا اتحاسب ولا حتى اتعوّر !
****
نور يا فانوس بيّن بوضوح
حال الشعب المصرى المدبوح
اللى مالوش غير
الصبر نصير
ركّز ع الواقفين فى الطوابير
واوعى تبالغ والا تزوّر !
****
نور يا فانوس قول للمسئول
لا سياحة ولا قناة ولا بترول
لو يصْحَى ضمير
كام ملياردير
مصرى ، لا يمكن هنلاقى فقير
مطحون من جوعه بيتضوّر !
****
نور يا فانوس اكشف ألاعيب
اللى ف خيرنا نازلين تهليب
دا قطاعنا العام
انباع يا حرام
لا عرفنا لمين ولا حتى بكام
لكن مين ورا مين هايدوّر ؟
****
نور يا فانوس من غير ولا زيت
ولا جاز ولا شمعة ولا كبريت
دا زمان الجات
ورّانا حاجات
من صًنع الصين فيها ابتكارات
فوق كل ما كنا بنتصور !
****
نور يا فانوس يا فانوس رمضان
فكّرنا بأمجاد ناسنا زمان
رجّعنا نعيش
على لقمة عيش
حاف ، بس بعزّة ومانخليش
بيتنا بفوانيس غيرنا منوّر !

11/03/2008 - 18:21

سيد الموجى

القسم:

شعر عامى

اقرأ أيضا للكاتب:

بساتطها الشديده 00 جعلتنى استمر فى القراءه
حتى اخر سطر00وان كانت الكتابه بهذه الطريقه
لم تعد موجوده سوى فى الأغانى 00 فقط
لكن للشاعر اعمال أخرى اكثر جودة من تلك
امل ان تعرضها الورشه 00 هذا لا يمنع استمتاعى
بالعمل الذى ذكرنا بالراحل مرسى جميل عزيز
له كل تقديرى
نور سليمان

نور سليمان

11/04/2008 - 05:05

نور يا فانوس ورينا بوضوح
حال الشعب المصرى المدبوح
الله ينور عليك يا شاعر000
بس الخوف يكون الفانوس سرقوه وهربوا
ربك يستر000
امال

آمال فتيحة

11/05/2008 - 02:34

الله ينور عليك ياسيد ياموجي
يافانوس مصر .. كلها
الله ينور قلبك .. بالإيمان .. وبحب الناس
ياشاعر .. بالناس
......
هاهو الزجال .. الشاعر بآلام شعبه .. المضحوك .. عليه .. من حكامه ؟؟؟
هاهو .. المتآلم .. بآلام الشعب
والناطق .. بلسان حاله
هاهو
بكل هموم .. هذا الشعب المطحون
هاهو .. سيد الموجي
يمشي .. حاملاً .. فانوسه
في وضح النهار .. باحثاً ــ لا عن الحقيقية ــ بل عن العدل ؟؟؟
فعلها .. ( عمنا بيرم ) بقصيدة / المجلس البلدي
يابائع الفجل .. بالمليم واحــــــــــــــــدة
كم للعيال .. وكم .. للمجلس البلدي ؟؟؟
وفعلها .. ( عمنا فؤاد حداد ) في المسحراتي

مسحراتي

منقراتي

منجراتي

دواليب زمان

ما تشتكوشي

دقة شكوشي

جت في الاوان

***********
وهاهو
سيد الموجي
يفعلها
.......
نور يا فانوس بيّن للناس
على نورك كرامات ( اليوسى ماس )
لو كل وزير
باسم التطوير
هايطبّق هنا أفكار الغير
عمر التعليم ما هيتطوّر !
......
نور يا فانوس ع الكادر اياه
واعلنها شهادة لوجه الله
لو كان إنجاز
إن الأستاذ
يمتحنوه تلاميذه الأفذاذ
تبقى شهادة بختم مزوّر !
****
نور يا فانوس حدد بالذات
مين سرّب أو باع الامتحانات
أصل المسئول
شفناه بيقول
إنه لا مستغرب ولا مذهول
فى حوار واضح مش متحوّر ؟!
****
نور يا فانوس ورّى الجمهور
صفر ( العشرين عشرة ) المشهور
واسألهم مين
أهدر ملايين
ورجع ببرونزية بيكين
لا اتحاسب ولا حتى اتعوّر !
****
نور يا فانوس بيّن بوضوح
حال الشعب المصرى المدبوح
اللى مالوش غير
الصبر نصير
ركّز ع الواقفين فى الطوابير
واوعى تبالغ والا تزوّر !
****
نور يا فانوس قول للمسئول
لا سياحة ولا قناة ولا بترول
لو يصْحَى ضمير
كام ملياردير
مصرى ، لا يمكن هنلاقى فقير
مطحون من جوعه بيتضوّر !
****
نور يا فانوس اكشف ألاعيب
اللى ف خيرنا نازلين تهليب
دا قطاعنا العام
انباع يا حرام
لا عرفنا لمين ولا حتى بكام
لكن مين ورا مين هايدوّر ؟
****
نور يا فانوس من غير ولا زيت
ولا جاز ولا شمعة ولا كبريت
دا زمان الجات
ورّانا حاجات
من صًنع الصين فيها ابتكارات
فوق كل ما كنا بنتصور !
****
نور يا فانوس يا فانوس رمضان
فكّرنا بأمجاد ناسنا زمان
رجّعنا نعيش
على لقمة عيش
حاف ، بس بعزّة ومانخليش
بيتنا بفوانيس غيرنا منوّر
؟؟؟؟؟؟؟؟؟؟؟؟؟
سيد الموجي
تحية كبيرة .. تستحقها .. بأمانة وشرف
بإسم
شعب مصر
الذي عبرت عن معاناته .. أصدق التعبير
ووضعت يدك .. فوق الفساد .. والداء
ووصفت لنا العلاج
في هذه
الروشته
...

نور يا فانوس قول للمسئول
لا سياحة ولا قناة ولا بترول
لو يصْحَى ضمير
كام ملياردير
مصرى ، لا يمكن هنلاقى فقير
مطحون من جوعه بيتضوّر !
....
دمت .. بهذه اليقظة ( الداهشة ) .. وهذا القدر من الهائل
من الثقافة .. والمتابعة .. والطاقة
الفاعلة
والمتفاعلـــــــــــة
...
زينات القليوبي