قلم رصاص

قلم رصاص يصر بشكل عجيب انه يتعب اعصابى ويفكرنى بملامحك
ويحاول يخلق من فراغات كتير ف الورقة البفته حكاية
وانا اسرح وياه وبكل تفاصيل المشهد امشى وراه
وماسك ف ايدى استيكة
يرسم وهو خايف انى امسح من رسوماته
يمشى يمين وشمال
واول ماتبان ملامحك
يبص ليا ويعرف انى سرحت ف الصورة
تقع من ايدى الاستيكه
وادخل ف الرسمه بسرعة عجيبة
وامسكك
وأول ماتنطقى كلمة بحبك
يمسك الاستيكة ويهددنى بيها